ডিজিটেল ডেস্কঃ সমগ্ৰ পৃথিৱীজুৰি বৃদ্ধি হৈছে মানুহৰ জনসংখ্যা। ভাৰতবৰ্ষৰ দৰে তৃতীয় বিশ্বৰ দেশসমূহৰ মূল এক সমস্যাই জনসংখ্যাৰ বৃদ্ধি। তাৰ মাজতেই এনে এখন দেশ আছে য’ত মানুহ নহয় বৃদ্ধি হৈছে মেকুৰীৰহে সংখ্যা। ৰাষ্ট্ৰখনত মানুহতকৈও সংখ্যা বেছি মেকুৰীৰহে। দেশখনত বৰ্তমান মানুহৰ বসতি ১০০জনতকৈও ক’ম। যেনিয়েই চাই তেনিয়েই দেখিব কেৱল মেকুৰীয়েই। মেকুৰী ভালপোৱা মানুহখিনিৰ বাবেই এইখন বিশেষ খন পৰ্যটনথলীও। ক’ত আছে এই মেকুৰীৰ দেশখন?

দেশখন জাপানৰ পৰা কিছু দূৰত্বত থকা দ্বীপৰাষ্ট্ৰ আওচিমা। আটলাণ্টিক মহাসাগৰৰ মাজত অৱস্থিত এইখন দেশত পৰ্যটনৰ মুখ্য আকৰ্ষণেই মেকুৰী। কেৱল এটা প্ৰজাতিৰ মেকুৰীয়েই আছে এনে নহয়। বিভিন্ন প্ৰজাতিৰ মেকুৰী আছে আওচিমাত। কিন্তু কেনেকৈ দেশখনত বৃদ্ধি হ’ল মেকুৰীৰ সংখ্যা? তাৰ আঁৰত আছে বিশেষ মন চুই যোৱা এক কাহিনী। বিগত কিছু বছৰ পূৰ্বে দ্বীপৰাষ্ট্ৰখনত মাছমৰীয়া লোকে বসবাস কৰা এখন গাওঁ আছিল। গাওঁখনত বসবাস কৰা লোকসকলৰ বাবে এলেকাটোত মূল সমস্যাই আছিল এন্দুৰ। এন্দুৰৰ উৎপাতত বসবাস কৰাই লোকসকলৰ বাবে কঠিন হৈ পৰিছিল। গাওঁবাসীয়ে এই এন্দুৰৰ উৎপাতৰ পৰা হাত সাৰিবৰ বাবেই দ্বীপৰাষ্ট্ৰখনলৈ চুবুৰীয়া দেশ জাপানৰ পৰা মেকুৰীৰ আমদানী কৰে। লাহে লাহে গাওঁখনৰ প্ৰায়সংখ্যক লোকেই মেকুৰী ৰখাটো পৰম্পৰাৰই হৈ পৰিল। মেকুৰীৰ সংখ্যাও দ্বীপৰাষ্ট্ৰথনত বৃদ্ধি হ’বলৈ আৰম্ভ কৰে। ইফালে মানুহৰ সংখ্যা কিন্তু বৃদ্ধি নহ’ল বৰং অন্য উন্নত দেশলৈহে যোৱা আৰম্ভ কৰিলে মাছমৰীয়া লোকসকলে।

মেকুৰীৰ সংখ্যা এনে হাৰত দেশখনত বৃদ্ধি পালে যে বৰ্তমান দেশখনত মানুহতকৈ মেকুৰীৰহে জনসংখ্যা বেছি। আনহাতে বৃদ্ধি পোৱা এই মেকুৰীসমূহক খাদ্য যোগান ধৰে তাত বসবাস কৰা প্ৰায় প্ৰত্যেকঘৰ লোকেই। বৰ্তমান মেকুৰীৰেই ৰাজত্ব চলা দেশখনলৈ মেকুৰী চাবৰ বাবেই বিভিন্ন ঠাইৰ পৰা পৰ্যটকো ৰাওনা হয়। কিন্তু পৰ্যটনস্থলীৰূপে দেশখনক গঢ়ি তুলিবলৈ তাত সক্ষম হোৱা নাই তাৰ বাসিন্দাসকলে।