ডিজিটেল ডেস্কঃ নৃশংসতাৰ সকলো পৰিধি পাৰ হৈ দুটি কণমাণিক মানসিক, শাৰিৰিক নিৰ্যাতন চলাই তৃপ্তি লাভ কৰা দুই চিকিতসক দম্পত্তী এতিয়া ৰঙাঘৰৰ আলহী। আৰক্ষীৰ লকআপত থাকিও ডাঃ সংগীতা আৰু ডাঃ ৱালিউলে পাহৰিব পৰা নাই তথাকথিত আভিজাত্যৰ অভ্যাস। লকআপত থাকি ডাঃ ৱালিউলে প্ৰতিদিনে পুৱা কৰিছে যোগাভ্য়াস। মানসিকভাৱে দুৰ্বল হৈ পৰা ডাঃ ৱালিউলে নিজকে স্থিৰ ৰাখিবলৈ যোগাভ্যাসৰ আশ্ৰয় লৈছে বুলি জানিব পৰা গৈছে। লকআপত থাকিও তদন্তৰ বাবে অহা আৰক্ষীক বাৰে বাৰে ৱালিউলে সুধিছে- মোক গুলীয়াই দিব নেকি!  অৱশ্যে ডাঃ ৱালিউলক আৰক্ষীয়ে আশ্বাস দিছে যে, তদন্তত সহযোগিতা কৰি যাওক। তেনে একো ঘটনা সংঘটিত নহয়।

ইফালে লকআপত থাকি ডাঃ সংগীতাই বাৰে বাৰে নাম লৈছে উচ্চ পদবীধাৰী বিভিন্নজন লোকৰ। লকআপৰ বাহিৰলৈ ওলাই আহি তদন্তকাৰী আৰক্ষী বিষয়াৰ সৈতে তৰ্কত লিপ্ত হৈছে ডাঃ সংগীতা। লগতে আৰক্ষীক প্ৰশ্ন কৰিছে যে, কিয় তেওঁক দাগী অপৰাধীৰ দৰে ব্যৱহাৰ কৰা হৈছে।  উচ্চ পদবীধাৰী লোকসকলে এসময়ত তেওঁৰ সৈতে উঠা-বহা কৰি বিপদৰ সময়ত গা এৰা দিয়া বুলিও চিঞৰি চিঞৰি কৈছে ডাঃ সংগীতাই।

উল্লেখ কৰা প্ৰয়োজন যে, আৰক্ষীয়ে নিজা জিম্মাতে ৰাখি উক্ত ঘটনাৰ তদন্ত অব্যাহত ৰাখিছে।