ডিজিটেল ডেস্কঃ   ১কোটি টকা! বহুতৰ বাবে সপোন সপোন লগা এটা বৃহত ধনৰাশি। বহুতে কিজানি এইটোও নাজানে যে কিমানটা শূণ্য হলে হয় এক কোটি। কিন্তু এগৰাকী ব্যক্তিৰ জীৱনৰ আহিল ১কোটিৰ সৌভাগ্য। এগৰাকী মধ্যবিত্ত লোকৰ একাউন্টত এদিন হঠাত সোমাল ১কোটি টকা। নিজৰ একাউন্টত ইমান বিশাল ধনৰাশি দেখি অবাক হল লোকজন। তাৰ পাছতে বেংকৰ সৈতে যোগাযোগ কৰিলে।

লোকজনক বেংকে এদিন মাতি পঠালে। বেংকৰ শাখা মেনেজাৰক সকলো কথা বিৱৰি কোৱাত মেনেজাৰে তেওঁক কলে যে, এই ধন তেওঁ বংশসূত্ৰে লাভ কৰিছে আৰু ধনখিনি যি কামতে খৰছ কৰে তেওঁ কৰিব পাৰে। মেনেজাৰৰ কথামতেই বিভিন্ন কামত উক্ত ধনৰাশিৰ কিয়দাংশ খৰছ কৰাৰ পাছত ৯মাহৰ মূৰত বেংকৰ ফালৰ পৰা এখন নটিছ আহিল। নটিছত উল্লেখ কৰা আছিল যে, কিছু বিজুতিৰ ফলতহে এই ধনৰাশি তেওঁৰ একাউন্টত জমা হৈছিল। অতি শীঘ্ৰেই এই ধন পুনৰ বেংকে ঘূৰাই লব।নটিছ পোৱাৰ পাছতে ব্যক্তিগৰাকীয়ে বেংকৰ এই ভুলৰ বাবেহে এই কাম হোৱা বুলি কাৰন দৰ্শাই কিছু টকা মাফ কৰি ঘূৰাই দিয়ে সকলো টকা।

কাহিনী কাহিনী লগা এই ঘটনা শেহতীয়াকৈ সংঘটিত হৈছে বিটেইনত। বিটেইনৰ Russell Alexanderনামৰ লোকগৰাকীৰ ক্ষেত্ৰত সংঘটিত হোৱা এই ঘটনাই এতিয়া আন্তঃৰাষ্ট্ৰীয় সংবাদ মাধ্যমত শিৰোনাম দখল কৰিছে। উল্লেখ্য যে, বেংকক Russell Alexanderয়ে মাটি-সম্পত্তি সকলো বেচি পৰিশোধ কৰে ধন। ইয়াৰ পাছতে Russell Alexander আদালতৰো কাষ চাপিছে। Russell Alexanderৰ মতে, বেংকৰ গাফিলতিৰ শাস্তি তেওঁ আজি ভোগ কৰি আছে।