ডিজিটেল ডেস্কঃ ৩২ মহলীয়া  টুইন টাৱাৰ কেইটামান চেকেণ্ডতে ধ্বংস কৰাৰ পাছত এতিয়া নয়দা প্ৰশাসনৰ বাবে মূৰৰ কামোৰণি হৈছে অট্টালিকাটোৰ ভগ্নাৱশেষ ইটা আৰু চিমেন্টৰ টুকুৰা। ভাগি পৰা এই সামগ্ৰীবোৰ উক্ত স্থানৰ পৰা আতৰাবৰ বাবেই প্ৰশাসনক প্ৰয়োজন হব প্ৰায় ৪৪লাখ টকা।  প্ৰতিদিনাই উক্ত স্থানৰ পৰা প্ৰশাসনে ২৫০-৩০০টন আৱৰ্জনা অন্য স্থানলৈ স্থানাত্যৰ কৰিছে যদিও শেহতীয়াকৈ প্ৰশাসনে এক হিচাপ ৰাজহুৱা কৰিছে। এই হিচাপ অনুসৰি সস্পূৰ্ণ অট্টালিকাটোৰ আৱৰ্জনা চাফা কৰিবৰ বাবে মুঠ ৪৩লাখ ৬৮হাজাৰ টকা খৰচ হব।

উল্লেখ কৰা প্ৰয়োজন যে, মাত্ৰ ১২মহলীয়া অট্টালিকা নিৰ্মাণ কৰিবলৈ অনুমতি উলিয়াই ৩২মহলীয়া টুইন টাৱাৰটো অবৈধভাৱে নিৰ্মাণ কৰা হৈছিল। যাৰ পৰিপ্ৰেক্ষিতত অৱশেষত ধ্বংস কৰা হল উক্ত অট্টালিকাটো।