ডিজিটেল ডেস্কঃ একশ্যন মুডত অসম আৰক্ষী। অপৰাধীৰ প্ৰতি শূণ্য সহনশীল নীতিৰে অতিকৈ কঠোৰ হৈছে আৰক্ষী।  প্ৰতিদিনাই দুই-তিনিটাকৈ অপৰাধীক গুলীচালনা কৰি সক্ৰিয়তা প্ৰৰ্দশন কৰিছে অসম আৰক্ষীয়ে। শেহতীয়াকৈ বুধবাৰে দুই ড্ৰাগছ সৰবৰাহকাৰীলৈ লক্ষ্য কৰিও গুলীচালনা কৰে আৰক্ষীয়ে।

প্ৰাপ্ত খবৰ অনুসৰি, ড্ৰাগছ লৈ আহোতে ৰাস্তাত আৰক্ষীয়ে ৰবলৈ সংকেত দিছিল যদিও সৰবৰাহকাৰী দুজনে মনা নাছিল সংকেত। যাৰ পৰিপ্ৰেক্ষিতত আৰক্ষীয়ে গুলীচালনা কৰিবলৈ বাধ্য হয়। তিনিচুকীয়াৰ বাইপাছত সংঘটিত হোৱা এই ঘটনাৰ পাছতে জিলা খনত তীব্ৰ চাঞ্চল্যই বিৰাজ কৰিছে। গুলীবিদ্ধ সৰবৰাহকাৰী কেইজনক হস্পাতালত ভৰ্তি কৰি প্ৰাথমিক চিকিতসা প্ৰদান কৰা হৈছে।