ডিজিটেল ডেস্কঃ চিনেমাৰ কথাক লৈ চৰ্চালৈ নাহিলেও প্ৰেম আৰু বিয়াৰ কিছু কথাক লৈ মাজে-সময়ে সংবাদ শিৰোনাম দখল কৰে জানমণি খ্যাত শামন্তিকা শৰ্মাই। শেহতীয়াকৈ এটা সংবাদমাধ্যমত দিয়া এক সাক্ষাতকাৰৰ পাছতে নিজৰ ব্যক্তিগত জীৱনক লৈ পুনৰ সংবাদ শিৰোনাম দখল কৰিছে শ্যামন্তিকাই।

২০১৯চনত শ্যামন্তিকা শৰ্মা বিবাহ পাশত আৱদ্ধ হৈছিল। মহানগৰীৰ শুক্ৰেশ্বৰ দেৱালয়ত মাংগলিক ৰীতি নীতিৰে নৌসেনা বাহিনীৰ কেপ্টেইন সুপ্ৰতিম দাসৰ সৈতে বিবাহপাশত বহিছিল অভিনেত্ৰীগৰাকী। এটা বছৰ ভালকৈয়ে যোৱাৰ পাছত হঠাত কলকাতাৰ স্বামীৰ গৃহৰ পৰা পুনৰ গুৱাহাটীলৈ গুচি আহি ইয়াতে স্থায়ীভাৱে থাকিবলৈ লৈছিল অভিনেত্ৰীগৰাকীয়ে।

কি কাৰনত তেওঁ ঘৰলৈ গুচিঁ আহিছিল সেই কথা ৰাজহুৱা হোৱা নাছিল যদিও শেহতীয়া সাক্ষাতকাৰত শ্যামন্তিকাই সকলো কথা মুকলিকৈ কৈছে। শ্যামন্তিকাই বিয়াৰ সিদ্ধান্তটো এটা ভুল সিদ্ধান্ত বুলি অভিহিত কৰাৰ লগতে সেই সময়খিনিক এক জটিল সময় বুলিও খেদ প্ৰকাশ কৰে। এগৰাকী ভুল মানুহৰ সৈতে জীৱনৰ সপোন দেখিবলৈ লৈছিলো বুলি আক্ষেপ প্ৰকাশ কৰি তেওঁ কয়- মোৰ পৰা বহু কথাই লুকুৱাই ৰখা হৈছিল।

তেওঁ লগতে কয়- মই ছাগে তেওঁৰ ৩নম্বৰ গৰাকী পত্নী আছিলো। মোৰ আগৰগৰাকীৰ এটি সন্তানো আছে। তেওঁৰ প্ৰথম বিয়া হৈছিল ২৫বছৰ বয়সতে। মোৰ পৰা সেই সকলো কথা লুকুৱাই ৰখা হৈছিল আৰু তেওঁৰ সেইবোৰ কথা ধৰা পৰে বুলিয়েই মোক মানসিক নিৰ্যাতন কৰিছিল। কোনো মানুহক লগ কৰিবলৈ দিয়া নাছিল। আনকি তেওঁ মোক তেওঁৰ ঘাই ঘৰখনলৈও যাবলৈ দিয়া নাছিল।

ঘৰলৈ যেতিয়া কোনোবা মানুহ আহে, তেওঁ মোক ৰূমত দৰ্জা মাৰি থয়। কেতিয়াবা তেওঁৰ ঘৰলৈ যাম বুলি কলেও মোক গুৱাহাটীলৈ পঠিয়াই দিয়ে। বহুত সহ্য কৰিলো আৰু অৱশেষত হতাশ হৈ মই পুনৰ মাৰ গুৱাহাটীৰ ঘৰলৈ উভতি আহিলো। ইয়ালৈ আহিও কাৰো সৈতে কথা পাতিব পৰা নাছিলো। হতাশ হৈ মই ৰূমৰ ভিতৰতে সোমাই সোমাই মোৰ ওজনো বৃদ্ধি হৈছিল।

অৱশেষত অসমবাসীৰ মৰম পাই তেওঁ পুনৰ ৰাইজৰ মাজলৈ ঘুৰি আহিল বুলি সাক্ষাতকাৰটোত উল্লেখ কৰিছে।