ডিজিটেল ডেস্কঃ গুৱাহাটী পৌৰ নিগমৰ নিৰ্বাচনৰ পূৰ্বেই কংগ্ৰেছৰ সংগ এৰিছে কৰ্মীসকলে। শেহতীয়াকৈ প্ৰাৰ্থিত্বকেন্দ্ৰীক সংঘাতৰ বাবে অসম প্ৰদেশ কংগ্ৰেছ কমিটীৰ  (APCC) সম্পাদক  হুকুম চান্দ আলী বক্সিয়ে দলটোৰ পৰা পদত্যাগ কৰিছে। প্ৰথমখন প্ৰাৰ্থীৰ তালিকাৰ পিছতেই সাধাৰণ সম্পাদকগৰাকীয়ে পদত্যাগ পত্ৰ প্ৰেৰণ কৰিছে সভাপতিলৈ।

প্ৰাপ্ত খবৰ অনুসৰি, ১নং ৱাৰ্ডৰ কংগ্ৰেছ দলৰ প্ৰাৰ্থিত্বৰ দাবীদাৰ আছিল হুকুম চান্দ। কিন্তু  ১ নং ৱাৰ্ডত প্ৰাৰ্থীৰ নাম আনুষ্ঠানিকভাৱে ঘোষণা নকৰা সন্দৰ্ভত হুকুম চান্দে  কংগ্ৰেছ সভাপতি ভূপেন বৰাক ফোনযোগে সোধাত সভাপতিগৰাকীয়ে তেওঁক অশালীন গালি-গালাজ কৰাৰ অভিযোগ উত্থাপন হৈছে।

উল্লেখ্য যে বিগত ৪০ টা বছৰ কাল কংগ্ৰেছ দলৰ এজন সক্ৰিয় কৰ্মীৰূপে দায়িত্ব পালন কৰা হুকুম চান্দ আলী বক্সিয়ে (HUKUM CHAND ALI BOXI) শেহতীয়াকৈ প্ৰদেশ কংগ্ৰেছৰ সম্পাদকৰ দায়িত্বত থকাৰ লগতে দলটোৰ কেইবাটাও কোষৰো দায়িত্বতো আছিল।