ডিজিটেল ডেস্কঃ দক্ষিণৰ মেগাষ্টাৰ ৰামচৰণৰ সৰল ব্যৱহাৰে সকলোকে আকৰ্ষিত কৰে। বিশাল ধন-সম্পত্তিৰ গৰাকী হৈও সহজ-সৰল জীৱন আৰু সবল ব্যক্তিত্বৰ বাবে অভিনয়ৰ লগতে অন্য বিষয়ক লৈও চৰ্চাত থাকে অভিনেতাগৰাকী। ছচিয়েল মিডিয়াত পুনৰ এবাৰ অন্য এক প্ৰসংগৰ বাবে চৰ্চালৈ আহিছে ৰামচৰণ।

স্কুলীয়া কালৰে ভাল বন্ধু আৰু পিছলৈ প্ৰেমিকা হোৱা উপাসনা কামিনেনীৰ সৈতে বিবাহ পাশত আৱদ্ধ হৈছিল ৰামচৰণ।  ২০১২চনতে তেওঁলোকৰ বিবাহ অতি ধুমধামেৰে অনুষ্ঠিত হৈছিল। দক্ষিণ ভাৰতৰ দামী বিয়াবোৰৰ ভিতৰত এই বিয়াখন আছিল অন্যতম। ৰামচৰণৰ পিতৃ মেগাষ্টাৰ তথা ৰাজনীতিবিদ চিৰঞ্জীৱি তেজাই এই বিয়াখন অতি ব্যয়বহুলভাৱে অনুষ্ঠিত কৰিছিল।

প্ৰেমিকা উপাসনাক ১৭কোটি টকাৰ শাড়ী আৰু ৯০কোটি টকাৰ গহনা পিন্ধাই জীৱন সংগী কৰিছিল ৰামচৰণে। কেৱল এয়াই নহয় উক্ত বিয়াখনত অতিথিসকলকো প্ৰদান কৰা হৈছিল বিশেষ উপহাৰ।

উল্লেখ কৰা প্ৰয়োজন যে, ৰামচৰণ আৰু তেওঁৰ পিতৃ চিৰঞ্জীৱিৰ আছে নিজা এক এয়াৰ লাইনছ কোম্পানী।