ছবিগৃহলৈ আহি আছে ‘পুষ্পা ২’ ৷ পুষ্পা ছবিখনে জনতাৰ মৰম বুটলিবলৈ সক্ষম হোৱাৰ পিছতেই অনুৰাগীৰ বাবে মুকলি কৰি দিছে ‘পুষ্পা ২’ ছবিখনৰ টিজাৰ৷ আল্লু অৰ্জুন আৰু ৰশ্মিকা মাণ্ডনাই অভিনয় কৰা পুষ্পা ছবিখনক দৰ্শকে আকোঁৱালি লৈছিল অতি কম সময়ৰ ভিতৰতেই৷ তাৰ পিছতেই পুনৰ দৰ্শকৰ মাজলৈ আহি আছে পুষ্পা ২ ছবিখন৷ যিখন ছবিৰ টিজাৰ বৰ্তমান মুকলি হৈছে৷ আজি আল্লু অৰ্জুনৰ জন্মদিন, তেওঁৰ জন্মদিনতেই দৰ্শকলৈ আগবঢ়ালে পুষ্পা২ ৰ টিজাৰ৷ এইবাৰ পিছে পুষ্পা ২ বোলছবিখনত অভিনয় কৰিছে আল্লু অৰ্জুন, ৰশ্মিকা মাণ্ডনা, ধনঞ্জয়, ৰাও ৰমেশ, সুনীল, অনসূয়া ভৰদ্বাজ, অজয় ঘোষ, ভানৱৰ সিং শেখৱট, ফাহাদ ফাজিলে অভিনয় কৰিছে ৷ পুষ্পা ২ৰ টিজাৰ মুকলি হোৱাৰ লগে লগে ইন্টাৰনেট, অনুৰাগীয়ে প্ৰশংসা কৰিছে৷ ছবিখনৰ টিজাৰৰ ক্লিপটোত আল্লু অৰ্জুনে শাৰী পিন্ধি একচন শ্বট দিয়া দেখিবলৈ পোৱা গৈছে ৷ অহা ১৫ আগষ্টত মুক্তি পাবলগীয়া তেলেগু ছবি পুষ্পা ২ৰ টিজাৰে ছচিয়েল মিডিয়াত খলকনিৰ সৃষ্টি কৰিছে ৷ ছবিখনৰ অনুৰাগী আৰু ইয়াৰ মুখ্য অভিনেতা আল্লু অৰ্জুনে এক্স আৰু অন্যান্য ছ’চিয়েল মিডিয়া প্লেটফৰ্মত বোলছবিখনৰ টিজাৰ মুক্তি দিছে।