ডিজিটেল ডেস্কঃ শেহতীয়াকৈ অসমীয়া কিছু যুৱক-যুৱতীয়ে নতুন নতুন ব্যৱসায়ৰ জৰিয়তে স্বাৱলম্বী হবলৈ যত্ন কৰা দেখা গৈছে। কিন্তু অধিক প্ৰচাৰমুখিতাই যেন তেওঁলোকক ব্যৱসায়তকৈ অন্য দিশত মনোনিৱেশ কৰিছে, তাক লৈ এগৰাকী যুৱ ব্যৱসায়ীয়ে ছচিয়েল মিডিয়াত কৰিছে এক বিশেষ পোষ্ট। নিজকে গাহৰি বেপাৰী বুলি পৰিচয় দি ৰাহুল মাধৱ নামৰ যুৱ ব্যৱসায়ীগৰাকীয়ে লিখিছে এনেদৰে-

জীৱনত চাকৰি নকৰি ব্যবসায় কৰিম বুলি ভবা সকললৈ এইটো পোষ্ট।।

১.ব্যবসায়ত ধৰিয়েই কেইজন মান কৰ্মচাৰী ৰাখি নিজে মালিক হৈ বহি যোৱাটো ভুল। কৰ্মচাৰী তেতিয়া ৰাখক যেতিয়া আপোনাৰ ব্যবসায়ে কৰ্মচাৰীক দৰমহা দিবলৈ সক্ষম কৰি তোলে।(হোটেল ৰেষ্টুৰেন্ট আদিৰ ক্ষেত্ৰত এইখিনি কথা প্ৰযোজ্য নহয়)

২.অসমীয়া ল’ৰা ছোৱালী খিনিয়ে ৰেষ্টুৰেণ্টৰ বাহিৰে অন্য ব্যবসায় ধুকি নাপাই নেকি?? গুৱাহাটীত প্ৰতি ৫০ মিটাৰ ব্যবধানত একোখনকৈ ৰেষ্টুৰেণ্ট হৈ উঠিছে,যাৰ বাবে খোলাৰ কেইদিনমান পিছত বিক্ৰী কৰা বা বন্ধ হোৱা পৰিলক্ষিত হৈ আহিছে।।

৩.ব্যবসায় সেইটো কৰক যিটো আপুনি পৰনিৰ্ভৰশীল হব লগীয়া নহয়, অৰ্থাৎ আপোনাৰ সহকৰ্মী নাথাকিলে বা ছুটিত গলে আপোনাৰ ব্যবসায় যাতে বন্ধ কৰিবলগীয়া নহয়, তেওঁ নহালৈকে নিজে চলাব পৰাকৈ সক্ষমতা খিনি গঢ়ি লওক আৰু আগবাঢ়ক।।

৪.আটাইতকৈ গুৰুত্বপূৰ্ণ কথা, এই যে চাহ বিকি বা ফুথপথত দোকান দি কিছুমানে ডাঙৰ ডাঙৰ কথা কয়,যেনে মই প্ৰতিদিনে কমেও ১৫ ২০০০০ উপাৰ্জন কৰো ইত্যাদি ইত্যাদি,তেনে কথাত ভোল নাযাব, এইবোৰ সকলো মিছা হয়,সেহতীয়া ভাবে MBA chaiwala ৰ ওপৰত অকণমান ৰিচাৰ্জ কৰিলে আপোনালোকে গম পাব,ডাঙৰ ডাঙৰ কথা কৈ franchise দিয়াৰ চিন্তাত থাকে এইসকল।। মই demotivate কৰিব খোজা নাই, কিন্তু চাহৰ দোকান খন দিওঁতে যিজনে franchise লব যায় তেওঁৰ সমান মূৰ্খ এই পৃথিৱীত নাই।। আৰু শেষত কও তিতা লাগিলেও এয়াই সত্য যে চাহ বেছি ভালদৰে চলিলে জীৱনটো চলি যাব পৰাকৈ ধুনীয়া উপাৰ্জন হয়, কিন্তু Audi Mercedes আদি যে কিনা দেখে তেওঁৰ family background চাই লব তেতিয়া উপলব্ধি হ’ব এই শ্ব’ অফ বোৰ কেনেকৈ হয়।। অসমটো এনে FRAUD আছে, আপুনি আগবাঢ়ক নিজৰ চিন্তাৰে এনে কিছুমানৰ কথাত উটি ভাহি যাতে নিজক ধ্বংস নকৰে!।আৰু একেবাৰে শেষত ব্যবসায়ত ধৰিয়েই মিডিয়া মাতি YouTuber মাতি হাল্লা কৰি লাভ নাই, এইবোৰৰ পৰা আপুনি এমাহ মান যেনেকৈ উঠিব ঠিক তেনেকৈ ডুবুতেও বেছি সময় নালাগিব।। মাৰোৱাৰী সকলক দেখিছে?? কোনো হাই হুল্লা নাই বিন্দাছ কৰি গৈছে আৰু সেইবাবেই ব্যবসায়ী হিচাপে দেশৰ প্ৰথম শাৰীত থাকিব পাৰিছে।। quality matters আপুনি quality দিব ভাল ব্যবহাৰ দিব গ্ৰাহকৰ অভাব নহব।। আকৌ কৈছোঁ দৈনিক ২০ ২৫০০০ profit ৰ কথা কোৱা বোৰৰ কথাত ভোল নাযাব।।

🖊️ এজন গাহৰি বেপাৰী।।