ডিজিটেল ডেস্কঃ  ৰাজ্যৰ নিযুক্তি প্ৰক্ৰিয়াক লৈ বিৰোধীয়ে সততে প্ৰশ্ন কৰি থকাৰ সময়তে অসম চৰকাৰে কামে-কাজে উত্তৰ দিলে বিৰোধীক।  দেওবাৰে ঘোষণা হোৱা অসম আৰক্ষীৰ কামাণ্ডো বেটেলিয়নৰ ফলাফলত ৫৫০০ যুৱক যুৱতীয়ে নিকা নিযুক্তি পালে । ৰাজ্যৰ বিভিন্ন প্ৰান্তত বহু দৰিদ্ৰ যুৱক-যুৱতীয়ে পালে এই চাকৰি। এতিয়া ছচিয়েল মিডিয়াত সকলোৱে ধন্যবাদ দিছে অসম চৰকাৰ আৰু মুখ্যমন্ত্ৰী হিমন্ত বিশ্ব শৰ্মাক।

উল্লেখ কৰা প্ৰয়োজন যে, অসম আৰক্ষীত শেহতীয়া নিযুক্তিত এছ আই (ইউ বি) ৰ বাবে ছেবাই ২৪ এপ্ৰিল ২০২২ ত লিখিত পৰীক্ষা ১৫ খন জিলাত অনুষ্ঠিত কৰিছিল। তাৰ পাছত PST আৰু PET চতুৰ্থ এ পি বি এনত ২৭ জুন ২০২২ ৰ পৰা ৪ জুলাই ২০২২ লৈকে অনুষ্ঠিত হৈছিল। এই পৰীক্ষাৰ বাবে মৌখিক পৰীক্ষা চতুৰ্থ অসম আৰক্ষীৰ বেটেলিয়ন কাহিলাপাৰাত ২১ জুলাই আৰু ২২ জুলাইত অনুষ্ঠিত হৈছিল।