ডিজিটেল ডেস্কঃ শুকুৰবাৰে নুমলীগড়ৰ ঢলাগুৰি চাহ বাগিচাত এটা নাহৰফুটুকীৰ আক্ৰমণত আহত হয় এজন লোক। চাহ বাগিচাত কৰ্মৰত অৱস্থাত থাকোতেই আক্ৰমণ কৰে বাঘটোয়ে।

বাঘৰ আক্ৰমণত আহত লোক জনৰ নাম শোকদাস গোৱালা বুলি জানিব পৰা গৈছে। পৰবৰ্তী সময়ত আহত লোকজনক ঢলাগুৰি চাহ বাগিচা চিকিৎসালয়ত প্ৰাথমিক চিকিৎসা প্ৰদান কৰি উন্নত চিকিৎসাৰ বাবে গোলাঘাট কুশল কোঁৱৰ অসামৰিক চিকিৎসালয়লৈ প্ৰেৰণ কৰা হয়।

উল্লেখযোগ্য যে ‍২১ জানুৱাৰীত নুমলীগড়ৰ কাষৰীয়া চলাবিল অঞ্চলত নাহৰফুটুকিৰ আক্ৰমণত চাৰিজন লোক আহত হোৱাৰ ঘটনা সংঘটিত হোৱাৰ লগতে আহত লোককেইজনৰ প্ৰত্যাক্ৰমণত নাহৰফুটুকিটোৰ মৃত্যু হৈছিল।