ডিজিটেল ডেস্কঃ  অভিনেত্ৰী মালাইকাৰ  দুৰ্ঘটনাৰ পিছতেই অনুৰাগীসকলৰ মাজত সৃষ্টি উত্তেজনাৰ৷ শনিবাৰে মালাইকাৰ গাড়ীখন খোপলি এক্সপ্ৰেছ হাইৱেত দুৰ্ঘটনাত পতিত হৈছিল, দূৰ্ঘটনাৰ পিছতেই তেওঁক এপ’ল চিকিৎসালয়ত ভৰ্তি কৰোৱা হৈছিল৷ দূৰ্ঘটনাৰ পিছতেই কি হৈছে মালাইকাৰ এই লৈ সৰ্বত্ৰে চৰ্চা হৈ আছিল৷ তাৰ মাজতেই আহিছে সকাহৰ খবৰ৷

মালাইকা অৰোৰাৰ ভগ্নী অমৃতা অৰোৰাই জনোৱা অনুসৰি তেওঁৰ স্বাস্থ্য দ্ৰুতগতিত উন্নত হৈছে। স্বাস্থ্য উন্নত হোৱাৰ বাবে চিকিৎসালয়ৰ পৰা অব্যাহতি দিয়াৰো সিদ্ধান্ত লৈছে চিকিৎসকে৷ চিকিৎসকে জনোৱা অনুসৰি অভিনেত্ৰীগৰাকী বেছি আঘাতপ্ৰাপ্ত হোৱা নাছিল৷ নিশা পৰ্যবেক্ষণত ৰখাৰ পিছত এতিয়া তেওঁক বৰ্তমান অব্যাহতি দিয়া হৈছে।

মালাইকাক ঘৰলৈ নিবলৈ ভগ্নী অমৃতাৰ সৈতে উপস্থিত হৈছে প্ৰেমিক অৰ্জুন কাপুৰো৷ প্ৰেমিক অৰ্জুন চিকিৎসালয়লৈ যোৱাৰ দৃশ্য ভাইৰেল হোৱাৰ পিছতেই একাংশ নেটিজেনে চৰ্চা কৰিছে প্ৰেমিক হ’লে এনেকুৱাই হ’ব লাগে৷ সুখে-দুখে দুয়ো দুয়োৰে সৈতে একেলগে৷