ডিজিটেল ডেস্কঃ সকলো ঠিকে ঠাকে থাকিলে এইবেলি বহাগত শিল্পী মহেন্দ্ৰ হাজৰিকাৰ সৈতে মঞ্চত দেখা যাব ভাইৰেল গাৰ্ল কৰিশ্মা নাথক। এই কথা নিজেই সদৰি কৰিছে শিল্পী মহেন্দ্ৰ হাজৰিকাই। কৰিশ্মা নাথৰ এটা শিকাৰু মন আছে বুলি উল্লেখ কৰি হাজৰিকাই কয়- ইমান শিকিব খোজা ছোৱালী এজনীক ৰাইজে বেয়া পোৱাটো অনুচিত। মই ভাৱিছো এইবাৰ বহাগত আমি একেলগে মঞ্চত উঠিম।

কৰিশ্মা নাথক প্ৰশংসা কৰি হাজৰিকাই লগতে কয়- বেলেগে অৱহেলা কৰা প্ৰতিভাৰ আকৰ বুটলি মই ভাল পাও। নিগেটিভটো কেনেকৈ পজিটিভ কৰিব পাৰি… আমি চাব লাগিব। উল্লেখ কৰা প্ৰয়োজন যে, কিছুদিনৰ আগেয়ে এক অনুষ্ঠানত কৰিশ্মাৰ সৈতে সাক্ষাত হৈছিল মহেন্দ্ৰ হাজৰিকাৰ। তেতিয়াই দুয়োৰে মাজত কথা হৈছিল আৰু অৱশেষত এই সিদ্ধান্ত লোৱাৰ কথা ৰাজহুৱা কৰিছে মহেন্দ্ৰ হাজৰিকাই।