ডিজিটেল ডেস্কঃ প্ৰেম কৰা নাযায়, প্ৰেম হৈ যায়! কেতিয়া, ক’ত, কাৰ সৈতে প্ৰেম হব সেয়া কোনেও নাজানে। কেতিয়াবা এনে হয় কাৰোবাক দেখিলেই এনে লাগে যেন সেইজন ব্যক্তি আপোনাৰ বহুদিনৰে চিনাকি। তেওঁৰ চাল-চলন, তেওঁৰ কথা-বতৰা, ব্যক্তিত্ব, কাম-কাজ আপোনাৰ খুবেই ভালে। জানেনে প্ৰেম প্ৰেম লগা প্ৰথম এই অনুভূতি আপোনাৰ মনত কিয় থিতাপি লয়। ইয়াৰ আঁৰতো আছে বৈজ্ঞানিক কাৰন।

প্ৰথম দেখাতেই প্ৰেম কিয় হয় তাৰ আঁৰত থকা বৈজ্ঞানিক কাৰনৰ সন্দৰ্ভত শেহতীয়াকৈ কেইবাটাও ৰাষ্ট্ৰীয় সংবাদমাধ্যমে প্ৰকাশ কৰিছে বাতৰি। প্ৰথম দেখাতেই প্ৰেমৰ আঁৰত কি বৈজ্ঞানিক কাৰন আছে তাক লৈ এদল বৈজ্ঞানিকে চলাইছিল এক মনোবৈজ্ঞানিক পৰীক্ষা(Study On Love at First Site) । এই পৰীক্ষাক বহুতে Blind Date হিচাপেও নামাকৰণ কৰিব খোজে। এই পৰীক্ষাত পোহৰলৈ অহা তথ্য অনুসৰি, যেতিয়া এগৰাকী ব্যক্তি আন এগৰাকীক ভাল লাগে, সেই সময়ত দুয়োগৰাকীৰ বুকু ধপধপনি একেই হৈ পৰে।

এই পৰীক্ষাৰ বাবে ১৪২গৰাকী লোকক লোৱা হৈছিল আৰু সকলোৰে বয়স আছিল ১৮ৰ পৰা ৩৮বছৰ। এই পৰীক্ষাত অন্তভূক্ত সকলোৰে দেহত সংস্থাপন কৰা হৈছিল আই ট্ৰেকিং গ্লাছ আৰু হাৰ্ট ৰেট মনিটৰছ্। লগতে ঘামৰ সৈতে সংস্পৰ্শ থকা এবিধ যন্ত্ৰও সংস্থাপন কৰা হৈছিল। এই পৰীক্ষাত অন্তভূক্ত ১৭গৰাকী যুগলে প্ৰথম দেখাতেই প্ৰেমত পৰিছিল। বৈজ্ঞানিকসকলে দাবী কৰিছে যে, প্ৰথম দেখাতেই প্ৰেম তেতিয়াহে হয় যেতিয়া সেই সময়খিনিত একেই ধৰণে দুয়োৰে বুকুৰ ধপধপনি হয়। এই প্ৰক্ৰিয়াক বৈজ্ঞানিকসকলে ফিজিঅলজিকেল ছিক্ৰনী নাম দিছে। Nature Human Behavior নামৰ এখন স্বাস্থ্য পত্ৰিকাত এই কথা প্ৰকাশ পাইছে।