ডিজিটেল ডেস্কঃ মমতা বেনাৰ্জীৰ কাষত থকাৰ মন  অসমৰ মোহময়ী অভিনেত্ৰী জুপিতৰা ভূঞাৰ। আনুষ্ঠানিকভাৱে তৃণমূল কংগ্ৰেছত যোগদান কৰাৰ পাছতে অভিনেত্ৰীগৰাকীক লৈ এতিয়া ৰাজনৈতিক মহল তীব্ৰ চৰ্চা আৰম্ভ হৈছে। বহুতে কৈছে- হঠাতে কিয় এনে সিদ্ধান্ত ললে অভিনেত্ৰীগৰাকীয়ে! সেয়া যি কি নহলেও অনুৰাগীসকলে অভিনন্দন জ্ঞাপন কৰিছে অভিনেত্ৰীগৰাকীক।

শুকুৰবাৰে গুৱাহাটীস্থিত তৃণমূল কংগ্ৰেছৰ কাৰ্যালয়ত দলটোত যোগদান কৰি জুপিতৰা ভূঞাই কয়- তেওঁক দলে দিয়া সকলো দায়িত্ব নিষ্ঠাসহকাৰে পালন কৰি যাব। ৰাইজৰ সমস্যাৰ সন্দৰ্ভত আগন্তুক সময়ত সজাগ হৈ থাকিব বুলিও কলে অভিনেত্ৰীগৰাকীয়ে।

সাংবাদিকৰ সন্মুখত অভিনেত্ৰীগৰাকীয়ে ৰাজনীতি আৰু অভিনয় একাকাৰ নকৰিবলৈ আহ্বান জনায়। তেওঁ লগতে কয়- ৰাজনীতিত ভৰি থলেও মই অভিনয় কেতিয়াও নেৰো।