ডিজিটেল ডেস্কঃ নিৰ্বাচনী প্ৰতিশ্ৰুতি পালনৰ দিশে আগবাঢ়িছে হিমন্ত বিশ্ব শৰ্মা নেতৃত্বাধীন চৰকাৰ। ১লাখ নিবনুৱাক চাকৰি প্ৰদান কৰিম বুলি দিয়া প্ৰতিশ্ৰুতি পালনৰ বাবে যাৱতীয় ব্যৱস্থা গ্ৰহণৰ দিশে আগবাঢ়িছে চৰকাৰ। যোৱা শনিবাৰে মুখ্যমন্ত্ৰীৰ নেতৃত্বত হোৱা বৈঠকত এই দিশত এক গুৰুত্বপূৰ্ণ সিদ্ধান্ত গ্ৰহণ কৰা হয়।

১ লাখ নিবনুৱাক চাকৰি দিয়াৰ বাবে চৰকাৰে গঠন কৰিব সুকীয়া নিযুক্তি আয়োগ। নিৰ্ধাৰিত সময়ত ১ লাখ নিযুক্তি লক্ষ্য পূৰণৰ বাবে গঠন এই আয়োগ। নিযুক্তি আয়োগৰ মুৰব্বী হিচাপে থাকিব অতিৰিক্ত মুখ্য সচিব পৰ্যায়ৰ আমোলা।এই নিযুক্তি আয়োগে বিশেষভাৱে তৃতীয় আৰু চতুৰ্থ বৰ্গৰ পদৰ নিযুক্তিৰ দায়িত্ব লব।