ডিজিটেল ডেস্কঃ  সকলোৱে কৈ আছিল। অৱশেষত হাৰ্দিকেও ভাৱিলে সেই কথাটো। ভৱা কথাবোৰ মুকলিকৈ কবলৈ ঠিক কৰিলে এটা বিশেষ দিন। সেই দিনটো আছিল প্ৰেমৰ দিন, ১৪ফেব্ৰুৱাৰী।

হয়, ১৪ফেব্ৰুৱাৰীতে পুনৰ এবাৰ বিবাহপাশত আবদ্ধ হল ক্ৰিকেটাৰ হাৰ্দিক পাণ্ডিয়া আৰু নাতাসা। উদয়পুৰত সকলো ঠিক কৰা হল। পুত্ৰক সাক্ষী কৰি হাৰ্দিক-নাতাচাই ললে সাত জনম একেলগে থকাৰ সিদ্ধান্ত।

অনানুষ্ঠানিকভাৱে বহুদিনৰে পৰাই একেলগে আছিল হাৰ্দিক আৰু নাতাচা। প্ৰেমৰ চিন হিচাপে এটি সন্তানো জন্ম হৈছিল তেওঁলোকৰ। চাৰিওফালে সমালোচনা চলিছিল তেওঁলোকক লৈ। কিন্তু প্ৰেমে জানো মানি চলে সমাজৰ বান্ধোন। সকলো বান্ধোন চিঙি প্ৰেমিক যুগল হাৰ্দিক-নাতাচাই গঢ়ি তুলিছিল নিজৰ এখন পৃথিৱী।

বিয়াৰ ফটো সামাজিক মাধ্যমত চেয়াৰ কৰিলে হাৰ্দিক-নাতাচাইৰ অনুৰাগী সকলে। এই অনুষ্ঠানত ঈশান কিছনৰ লগতে কেইবাগৰাকীও ভাৰতীয় খেলুৱৈ উপস্থিত আছিল। সকলোৱে প্ৰাণ ভৰি আশীৰ্বাদ দিলে নৱদম্পত্তীক।

ভাৰতীয় ইতিহাসত হয়তো এনে বিয়া খুব কমেই হয়। যত পুত্ৰক সাক্ষী কৰি বিয়াত বহে পিতৃ-মাতৃ। ক্ৰীড়াজগতত অলেখ অভিলেখ ৰচা হাৰ্দিকে এইবাৰ নিজা ব্যক্তিগত জীৱনটো গঢ়িলে অনন্য এক অভিলেখ। আমি নৱদম্পত্তীলৈ জনাইছো অলেখ শুভকামনা।