ডিজিটেল ডেস্কঃ  নেটিজেন সকল আজিকালি বহু সচেতন হৈছে। ভাল কাম কৰা সকলক মৰম আৰু ভুল কৰা সকলক উচিত শিক্ষা দিব পাৰে আজিৰ নেটিজেন সকলে। এই কথা পুনৰ এবাৰ প্ৰমাণ হ’ল।  কিছুদিনৰ আগেয়ে জনপ্ৰিয় ইউটিউবাৰ ডিম্পুক লৈ এটা বিৰ্তক হৈছিল। এখন ফটোত ঢোলটো ওলোটাকৈ লৈ ফটোৰ পজ’ দিছিল ডিম্পুয়ে।

ইয়াৰ পাছতে ছচিয়েল মিডিয়াত নেটিজেন সকলে তীব্ৰ সমালোচনা কৰিছিল ডিম্পুক।  এনেকৈ  আৰম্ভ হোৱা বিৰ্তকৰ পাছতে অতি কমসময়ৰ ভিতৰত ডিম্পুৰ ইউটিউব চেনেলত প্ৰায় ১০হাজাৰ চাবস্ক্ৰাইবাৰ হ্ৰাস পালে।  এগৰাকী অসমীয়া হৈ ঢোলৰ সম্পৰ্কত জ্ঞান নথকা ডিম্পুক লৈ বিহুপ্ৰেমী যথেষ্ট সংখ্যক নৱপ্ৰজন্মও অসন্তুষ্ট হোৱা দেখা গৈছিল। তাৰেই ফল পাইছে ডিম্পুয়ে।

উল্লেখ কৰা প্ৰয়োজন যে, এই ফটোখন পুৰণি যদিও কিছুদিনৰ আগেয়ে এই ফটোখনক লৈ আৰম্ভ হৈছিল বিৰ্তকৰ।