ডিজিটেল ডেস্কঃ পিন্ধনত শাৰী, হাতযোৰ কৰি নমস্কাৰ। কান’ মহোৎসৱত খাটি ভাৰতীয় ৰূপত ৰেড কাৰ্ৰেটত খোজ দিলে বলীউডৰ মোহময়ী অভিনেত্ৰী দীপিকা পাডুকনে। ভাৰতৰ আগশাৰীৰ এগৰাকী ডিজাইনাৰো পুনৰবাৰ বিশ্ববাসীৰ সন্মুখত উজলি উঠিল। কিয়নো দীপিকাই পৰিধান কৰা ক’লা ৰঙৰ শাৰীখনৰ কাম কৰিছে ডিজাইনাৰ সব্যসাচীয়ে মুখ্যপাধ্যায়ে।

কান মহোৎসৱত একাধিকবাৰ নিজৰ লাৱণ্যময়ী চেহেৰাৰে ৰেড কাৰ্পেটত খোজ দিছে দীপিকাই। ফ্ৰান্সত ২০২২-কান মহোৎসৱত দীপিকাৰ খাটি ভাৰতীয় ৰূপকপৈ পুনৰবাৰ চলিছে গুজৱ। অদ্ভুত সাজ-সজ্জাত প্ৰিয়ংকা চোপ্ৰাতকৈ কোনো গুণে কম নহয় দীপিকাও।

কিন্তু এইবাৰ পৃথক ৰূপৰ বাবে দীপিকাক লৈ চলা গুজৱৰ মাজতেই আহিছে আৰু এটা খবৰ। ৭৫ সংখ্যক কান মহোৎসৱত দীপিকা অতিথি নহয়। এগৰাকী জুৰি মেম্বাৰ হিচাপেহে থাকিব দীপিকা। মুঠ ৯গৰাকী জুৰি মেম্বাৰৰ ভিতৰত স্থান লাভ কৰা দীপিকাক লৈ বলীউডেও গৌৰৱাম্বিত হৈছে।

কান-ত উপস্থিত হৈ জুৰি মেন্বাৰসকলৰ সৈতে নৈশ ভোজনৰ বাবে অহা দীপিকাক দেখি চকু থৰ হৈছে দেশী বিদেশী বহু অনুৰাগীৰেই।