ডিজিটেল ডেস্কঃ মাজুলী উপ নিৰ্বাচনৰ ফলাফল ঘোষণাৰ পাছতে অসম বিধানসভাৰ বাজেট অধিৱেশন আৰম্ভ হ’ব৷ ১৪মাৰ্চৰ পৰা আৰম্ভ হ’বলগীয়া এই অধিবেশন চলিব ১এপ্ৰিলৰ লৈকে৷ এক বিশেষ সূত্ৰৰ খবৰ অনুসৰি ১৬মাৰ্চত বাজেট দাখিলৰো সম্ভাৱনা আছে৷ অৱশ্যে এই বিষয়ক লৈ আনুষ্ঠানিকভাৱো কোনো কথা সদৰি কৰা নাই৷

ইফালে বাজেট দাখিলৰ প্ৰাকক্ষণত বিত্ত মন্ত্ৰীগৰাকীয়ে সমাজৰ সৰ্বস্তৰৰ লোকৰ উপকৃত হ’ব পৰাকৈ বাজেট দাখিল কৰাৰ পৰিকল্পনা কৰিছে ৷ যাক লৈ আগতীয়াকৈ বিত্তীয় মন্ত্ৰীগৰাকীয়ে মুকলি কৰিলে এক ইমেইল ৷ যত সমাজৰ সৰ্বস্তৰৰ লোকে আগবঢ়াব পাৰিব নিজ নিজ দিহা পৰামৰ্শ ৷ অহা ৫ মাৰ্চ তাৰিখ পৰ্য্যন্ত দাখিল কৰিব পাৰিব পৰামৰ্শ ৷ ইয়াৰ বাবে মুকলি কৰা ইমেইলটো হ’ল Suggestionsbudgetassam@gmail.com ৷

যত দিহা পৰামৰ্শ সমূহ গুৰুত্বসহকাৰে গ্ৰহণ কৰাৰ মন্তব্য মন্ত্ৰীগৰাকীৰ ৷ পৰিকল্পনা বিহীন সামঞ্জস্য বাজেট প্ৰস্তুত কৰি আভোৱা নভৰাৰ দৃঢ় সংকল্প লৈ বাস্তৱ ধৰ্মী বাজেট এক দাখিল কৰাৰ পক্ষপাতি বিত্ত মন্ত্ৰীগৰাকী ৷ ইয়াৰবাবে প্ৰতিটো বিভাগলৈ মন্ত্ৰীগৰাকীৰ কাঢ়া নিৰ্দেশ ৷ বাজেটত নিৰ্ধাৰিত পুঁজি অনুসৰি বাজেট প্ৰস্তুত কৰক ৷ যিটো নিৰ্ধাৰিত অনুসৰি কাৰ্য্যকৰী হয় ৷