ডিজিটেল ডেস্কঃ চিগাৰেট খোৱাটো স্বাস্থ্যৰ পক্ষে কিমান হানিকৰ সেই কথা আমি সকলোৱে জানো যদিও সমগ্ৰ বিশ্বত শেহতীয়াকৈ চিগাৰেট খোৱা লোকৰ সংখ্যা যথেষ্ট বৃদ্ধি পাইছে। কিন্তু শেহতীয়াকৈ চৰকাৰে চিগাৰেট খোৱা লোকৰ সংখ্যা হ্ৰাস কৰিবলৈ লৈছে এক বিশেষ পদক্ষেপ।

দাবী-ধমকিৰে নহয়, এইবাৰ চিগাৰেট এৰা লোকসকলক চৰকাৰে প্ৰদান কৰিব নগদ ধন। যিসকল লোকে চিগাৰেট খাই আছে, তেওঁলোকে চিগাৰেট এৰি দিলে ২০হাজাৰ টকা প্ৰদান কৰিব চৰকাৰে। ইফালে সন্তানসম্ভৱা কোনো মহিলাই যদিহে চিগাৰেট খোৱাৰ বদভ্যাস আছে, তেওলোকে চিগাৰেট খোৱা বাদ দিলে প্ৰদান কৰা হব ৪০হাজাৰ টকা।

এই ধন চৰকাৰে তেতিয়াহে প্ৰদান কৰিব যেতিয়া চৰকাৰৰ ফালৰ পৰা কৰা সকলো টেষ্টত প্ৰমাণ হব যে, সেই লোকজনে সচাঁকৈয়ে চিগাৰেট খোৱা বাদ দিছে। ইয়াৰ বাবে চিকিতসকৰ দ্বাৰা বিশেষভাৱে টেষ্ট কৰা হব এই আচনিৰ অন্তভূক্ত লোকসকলক। এই টেষ্টত যদিহে সকলো ঠিকে ঠাকে থাকে তেন্তে কিস্তি হিচাপত সেই লোকজনক প্ৰদান কৰা হব ধনৰাশি। অহা জুলাই মাহৰ পৰা আৰম্ভ হব এই বিশেষ আচঁনি।

উল্লেখ কৰা প্ৰয়োজন যে, বিট্ৰেইনৰ এখন চহৰ ছেছায়ৰ ইষ্টত এই আঁচনি খন আৰম্ভ কৰিছে প্ৰশাসনে। ইয়াৰ কাৰন হৈছে শেহতীয়াকৈ বৃদ্ধি পোৱা চিগাৰেট খোৱা লোকৰ সংখ্যা। ইতিমধ্যে চহৰখনত সকলোতে এই বিশেষ প্ৰচাৰ কৰা হৈছে। প্ৰথম পৰ্যায়ত এই আচনিঁৰ বাবে ১কোটি টকা আৱন্টিত কৰিছে চৰকাৰে।