ডিজিটেল ডেস্কঃ দুৰ্ঘটনা সংঘটিত কৰিয়ে উক্ত স্থানৰ পৰা প্ৰায় ১কিঃমিঃ আঁতৰত গাড়ী ৰখাই , সেই গাড়ী তাতেই এৰি অন্য স্থানলৈ যাত্ৰা কৰা বৰষাৰাণী বিষয়া আৰু তেওঁৰ স্বামী ভাস্কৰ বৰুৱাই অৱশেষত মুখ খুলিলে সাংবাদিকৰ আগত। যিখন গাড়ীৰ সৈতে তেওঁলোকৰ সংঘৰ্ষ হৈছিল তেওঁলোকৰ সৈতে মিলা-মিছাৰে সকলো মীমাংসা কৰা বুলি সংবাদ মাধ্যমৰ আগত সদৰি কৰিলে বৰষাৰাণীয়ে।

নিশা দুৰ্ঘটনা সংঘটিত কৰিয়ে উক্ত স্থানৰ পৰা নাইকিয়া হোৱাৰ সন্দৰ্ভত বৰষাৰাণীক সোধা প্ৰশ্নৰ উত্তৰত তেওঁ কয়- আমি এতিয়া সকলো বুজাবুজি কৰিলো।  মই তেওঁলোকৰ খবৰ নিশাৰে পৰা বিভিন্নজনৰ পৰা ৰাখি আছিলো। ভাগ্যৰ কৃপাত আমাৰ কাৰোৰে একো হোৱা নাই।

সাংবাদিকে বৰষাক প্ৰশ্ন কৰিছিল যে, দুৰ্ঘটনা সংঘটিত কৰিয়ে উক্ত স্থানৰ পৰা প্ৰায় ১কিঃমিঃ আঁতৰত গাড়ী ৰখাই , সেই গাড়ী তাতেই এৰি অন্য স্থানলৈ পলায়ন কৰা বুলি এক অভিযোগ উত্থাপন হৈছে! সেই প্ৰশ্নৰ উত্তৰত বৰষাৰাণীয়ে কয়- পলায়ন শব্দটো বেয়া শব্দ। আৰু বৰষাৰাণী কেতিয়াও পলৰীয়া নহয়।