ডিজিটেল ডেস্কঃ পুনৰ ডাউকীলৈ লৈ যোৱা হৈছে বন্দনা কলিতা আৰু ২ অভিযুক্তক। মৃতদেহৰ অন্য টুকুৰাৰ সন্ধানত অসম আৰক্ষীৰ এটা দলে ৩ অভিযুক্তক লৈ গৈছে মেঘালয়ৰ ডাউকীলৈ। শনিবাৰে পুৱাভাগতে অসম আৰক্ষীৰ এটা দলে বন্দনা আৰু দুই অভিযুক্তৰ ভাষ্যৰ ভিত্তিত ডাউকীৰ এটা পাহাৰৰ অংশত অভিযান অব্যাহত ৰাখিছে।

উল্লেখ কৰা প্ৰয়োজন যে, ইতিমধ্যে হত্যাকাণ্ডৰ কথা তিনিওজন অভিযুক্তই স্বীকাৰ কৰিছে আৰু ইয়াৰ আঁৰৰ কাৰনো বৰ্ণনা কৰিছে। অৰূপ দাস আৰু ধনটি দাসে উল্লেখ কৰা অনুসৰি, স্বামী আৰু শাহুয়েকক বন্দনাই নিজেই কাটিছিল আৰু পেকিং কৰিছিল। এই সমগ্ৰ কাণ্ডত সহায় কৰি গৈছিল এই দুই অভিযুক্তই।

ইফালে বন্দনা কলিতাৰ আৰক্ষীৰ জিম্মা আৰু ৫দিনৰ পিছত অন্ত পৰিব।