ডিজিটেল ডেস্কঃ  মানুহে মানুহক জানো এনেকৈ মাৰিব পাৰে? কোনোদিন কাৰো অপকাৰ নকৰা লৰাটোক কেনেকৈ মাৰি পেলালে সিহতে- কান্দি কান্দি আউলি বাউলি হৈ থকা অনিমেষৰ মাকে বাৰে বাৰে সকলোকে কৰিছে এই প্ৰশ্ন।  মৰমত ডাঙৰ দীঘল কৰা অতি আমায়িক লৰা অনিমেষৰ নৃশংস হত্যাকাণ্ডৰ পিছতে এতিয়া উত্তপ্ত সমগ্ৰ ৰাজ্য।

আৰক্ষীয়ে পৰ্যায়ক্ৰমে কেইবাগৰাকী অপৰাধীক কৰায়ত্ত্ব কৰিছে যদিও দোষীক কঠোৰ শাস্তিৰ দাবীত এতিয়া ৰাজ্যৰ ইমূৰৰ পৰা সিমূৰলৈ আছুৰ লগতে সাধাৰণ জনতাই সাব্যস্ত কৰিছে তীব্ৰ প্ৰতিবাদ। মঙলবাৰে পুৱাই অনিমেষৰ ঘৰত উপস্থিত হৈছে  আছুৰ কেন্দ্ৰীয় নেতৃত্ব। মুখ্য উপদেষ্টা সমুজ্জল ভট্টাচাৰ্যৰ নেতৃত্বত কেইবাখনো জিলাৰ প্ৰতিনিধি উপস্থিত হৈছে অনিমেষৰ ঘৰত।

ইফালে শোকাৱহ এই ঘটনাৰ সন্দৰ্ভত প্ৰতিক্ৰিয়া প্ৰকাশ কৰি মুখ্যমন্ত্ৰীয়ে দোষীক কেতিয়াও ৰেহাই দিয়া নহয় বুলি উল্লেখ কৰিছে। অনিমেষৰ পৰিয়াললৈ ৫লাখ টকাৰ ক্ষতিপূৰণ ঘোষণা কৰাৰ লগতে এনে ঘটনা আৰু কেতিয়াও নঘটনাৰ কামনা কৰিছে মুখ্যমন্ত্ৰীয়ে।