ডিজিটেল ডেস্কঃ সংসাৰহে ভাঙিছে যুটি ভঙা নাই৷ বহুতৰে ধাৰণা, সংসাৰ ভাঙিল মানেই সম্পৰ্কত তিক্ততা আহিল৷ এজনে আনজনৰ হাতত ধৰা দুৰৈৰে কথা, মুখখন দেখিলেই প্ৰচণ্ড ক্ষোভ বেয়াপোৱাই মন মগজু গৰম কৰি তোলে৷ এই ধাৰণা সকলোৰে ক্ষেত্ৰতেই একেইনে? নাই ধাৰণা সলনি হৈছে। আমাৰ সমাজ সঁচাকৈয়ে উত্তৰণমুখী হৈছে৷

কৰণ জোহাৰৰ ৫০সংখ্যক জন্মদিন পালনে চৰ্চা লাভ কৰিছে সমগ্ৰতেই৷ কৰণৰ বাৰ্থডে পাৰ্টীত বলীউডৰ তাৰকাৰ ভীৰ নিশ্চয় সকলোৰেই চকুত পৰিছে৷ পাৰ্টীত দেখা গৈছে বলীউডৰ বহু হিট যুটি৷ বিকী-কেটৰীনা, ছেইফ-কৰীণা, কাজল-অজয়কে ধৰি বহু হিট যুঁটি উপস্থিত হৈছে এই পাৰ্টীত৷ কেৱল বিবাহিত যুঁটি কেইটিয়ে নহয়৷ সেই পাৰ্টীত দেখা হৈছে ঋতিক ৰোশনে তেওঁৰ প্ৰেয়সীৰে সেই পাৰ্টীত উপস্থিত হৈছে আনহাতে তাতেই দেখা গৈছে ঋতিকৰ পত্নীয়েও তেওঁৰ বৰ্তমানৰ প্ৰেমিকৰ হাতত ধৰি ফটোগ্ৰাফাৰৰ সন্মুখত থিয় দিছে৷ অৱশ্যে এই বিশেষ চেলিব্ৰিটিসকলক বাদ দিও অন্য এটা যুঁটিহে আহিছে নেটিজেনৰ চকুলৈ৷ সেই বিশেষ যুঁটিটো হৈছে আমিৰ খান আৰু কিৰণ ৰাওৰ৷ আমিৰৰ হাতত ধৰি একেলগে কৰণৰ পাৰ্টীলৈ গৈছে কিৰণ ৰাও৷

আমিৰ-কিৰণে একেলগে হাতে-হাত ধৰি যোৱা ফটোখন এতিয়া সমগ্ৰতে ভাইৰেল৷ বিগত কিছুদিন পূৰ্বে আমিৰ-কিৰণৰ বিবাহ বিচ্ছেদৰ খবৰে চৰ্চা লাভ কৰিছিল সমগ্ৰতে৷ বিচ্ছেদ হোৱা প্ৰাক্তন পত্নীৰ হাতত ধৰি একেলগে কেনেকৈ আহিব পাৰে আমিৰ৷ বিচ্ছেদৰ পিছত বন্ধুত্বপূৰ্ণ সম্পৰ্ক ৰক্ষা সম্ভৱ হৈ থাকেনে? কিন্তু এইয়া সম্ভৱ, এই কথাকেই প্ৰমাণ কিৰ দেখুওৱাইছে আমিৰ-কিৰণে৷ কৰণৰ বাৰ্থডে পাৰ্টীত যদিও দুয়ো একেলগে উপস্থিত হৈছে তথাপিও বৰ্তমাণ দুয়োৱেই প্ৰেমিক-প্ৰেয়সী হিচাপে স্থান দিছে অন্য কাৰোবাক৷ এই সম্পৰ্ক বৰ্তমান কেৱল বন্ধুত্বৰহে৷

শেহতীয়াকৈ ভাইৰেল হোৱা খবৰ অনুসৰি আমিৰে দংগলত তেওঁৰ কন্যাৰ চৰিত্ৰত অভিনয় কৰা ফাতেমা ছানা শ্বেখৰ প্ৰেমত পৰিছে৷ হয়তো অচিৰেই বিবাহপাশতো আবদ্ধ হ’ব ফাতেমা-আমিৰ৷ কিন্তু প্ৰেমত পৰিল বুলিয়েই প্ৰাক্তন পত্নীক সম্পূৰ্ণ অৱজ্ঞাই কৰিব এনে নহয়৷ বিবাহ নাথাকিলেই বন্ধুত্বও শেষ হ’ব সেয়াও নহয়, আমিৰৰ ভাইৰেল ফটোখনক লৈ আমিৰ-কিৰণ অনুৰাগীয়েও এই কথাকেই সামাজিক মাধ্যমত ট্ৰেণ্ড কৰা পৰিলক্ষিত হৈছে৷