লাহৰীঘাটৰ এখন বিদ্যালয়ত সংঘটিত এক ঘটনাক লৈ সৃষ্টি হৈছে তীব্ৰ প্ৰতিক্ৰিয়াৰ। লাহৰীঘাটৰ ধূপগুৰি মাধ্যমিক বিদ্যালয়ৰ এগৰাকী ছাত্ৰই পৰিধান কৰি আহিছিল এটা টুপী। ছাত্ৰজনে টুপী পিন্ধি অহাত ক্ষোভিত হৈ পৰে বিদ্যালয়খনৰ এগৰাকী শিক্ষক। বিদ্যালয়খনৰ নৱম শ্ৰেণীত অধ্যয়নৰত ছাত্ৰ জহিৰুল ইছলামে টুপী পিন্ধি আহিছিল। টুপী পিন্ধি অহাৰ বাবেই অশ্ৰাব্য গালি গালাজ পাৰি বিদ্যালয়ৰ পৰা বাহিৰ কৰি দিয়াৰ অভিযোগ উত্থাপন কৰিছে ছাত্ৰজনে। টুপী পৰিহিত ছাত্ৰ জনক দেখি শিক্ষক বালিৰাম বৰদলৈয়ে চয়তানৰ ধৰ্ম লৈ বিদ্যালয় কিয় আহিছা বুলি প্ৰশ্ন কৰাৰ লগতে ছাত্ৰ জনক অশ্ৰাব্য গালি গালাজ কৰি বিদ্যালয়ৰ পৰা বাহিৰ কৰি দিয়াৰ গুৰুতৰ অভিযোগ উত্থাপন কৰিছে। এই ঘটনাক লৈ সৃষ্টি হৈছে প্ৰতিক্ৰিয়াৰ। একাংশই ইয়াৰ মাজতে মন্তব্য কৰিছে বিদ্যালয়লৈ যোৱা আন আন ছাত্ৰৰ দৰে নগৈ ছাত্ৰগৰাকীয়ে কিয় পিন্ধি গৈছিল টুপী।