একচন চিনেমাৰ অনুৰাগীসকলে আনৰ লগতে কৰণ জোহৰৰ প্ৰযোজক নিখিল নাগেশ ভাটৰ পৰিচালিত Kill ৰ মুক্তিৰ বাবে আগ্ৰহেৰে অপেক্ষা কৰি থকাৰ সময়তো সংবাদ মাধ্যমৰ বাতৰি অনুসৰি ছবিখনৰ হলিউডৰ পুনৰ্নিৰ্মাণ হ’ব।
লক্ষ্য, ৰাঘৱ জুৱাল, আশীষ বিদ্যাৰ্থী, হৰ্ষ ছায়া, আৰু তন্যা মণিকতালা আদি চৰিত্ৰত অভিনয় কৰা Kill যোৱা বছৰ টৰন্টো আন্তঃৰাষ্ট্ৰীয় চলচ্চিত্ৰ মহোৎসৱত প্ৰদৰ্শিত হৈছিল। ছবিখনৰ নিৰ্মম গ্রাফিক একচন ছিকুৱেন্সে সমালোচকৰ পৰা বহু প্রশংসা লাভ কৰিছিল৷ সংবাদ মাধ্যমৰ বাতৰি অনুসৰি জন উইকৰ পৰিচালক আৰু ইয়াৰ পৰৱৰ্তী ছিকুৱেল চাড ষ্টেহেলস্কিৰ নেতৃত্বত গঠিত প্ৰডাকচন কোম্পানী ৮৭এলেভেন এণ্টাৰটেইনমেণ্টে হলিউডৰ ৰিমেক কিল ৰ প্ৰযোজনা কৰিব।
‘কিল’ বছৰৰ অন্যতম শ্ৰেষ্ঠ একচন ছবি, আৰু একচন অনুৰাগীসকলে এইখনক নিজৰ ৰাডাৰত ৰখাটো প্ৰয়োজন বুলি চিজিমেগাজিনত ছবিখনৰ পৰ্যালোচনাত কোৱা হৈছিল। ৫জুলাইত বিশ্বজুৰি পৰ্দাত মুক্তি লাভ কৰা কৰণ জোহৰৰ একচন-পেকড ‘কিল’ ৰিমেকৰ বাবে সাজু। লক্ষ্য, তনয়া মণিকতালা, আৰু ৰাঘৱ জুৱালে অভিনয় কৰা ছবিখনে হাই অক্টেন ৰোমাঞ্চৰ প্ৰতিশ্ৰুতি দিছে। বহু প্ৰত্যাশিত মুক্তিৰ পূৰ্বে নিৰ্মাতাসকলে ঘোষণা কৰে যে ‘জন উইক’ ফ্ৰেঞ্চাইজিৰ নিৰ্মাতাসকলে ছবিখনৰ হলিউডৰ পুনৰ্নিৰ্মাণৰ অধিকাৰ লাভ কৰিছে।