কিছুদিন পূৰ্বে মহাকাশলৈ যোৱা সুনীতা উইলিয়ামছ আৰু তেওঁৰ সহযোগী বাটছ উইলম’ৰৰ এটা ভিডিঅ’ ছ’চিয়েল মিডিয়াত ভাইৰেল হৈছিল। খবৰ অনুসৰি, ভাৰতৰ সুনিতা উইলিয়ামছ আৰু তেওঁৰ সহকৰ্মীসকল এতিয়া মহাকাশতেই আৱদ্ধ হৈ পৰিছে। বয়িং ষ্টাৰলাইনাৰ মহাকাশযানখনৰ আৰম্ভণিৰে পৰাই নিজৰ অংশৰ সমস্যা আছিল। এতিয়া পুনৰ এই দুই মহাকাশচাৰীয়ে সমস্যাৰ বাবে আন্তঃৰাষ্ট্ৰীয় মহাকাশ কেন্দ্ৰত আবদ্ধ হৈ পৰিব লগা হৈছে। কিছুদিন আগতে এই বিমানখন মহাকাশলৈ যাত্ৰা আৰম্ভ কৰিছিল; কিন্তু অভিযানৰ বিফলতাৰ বাবে বৰ্তমান ই পৃথিৱীলৈ ঘূৰি আহিব পৰা নাই। ২৬ জুনত এই ক্ৰাফ্টখন ঘূৰি অহাৰ সম্ভাৱনা আছিল; কিন্তু তেওঁলোকৰ আগমন নোহোৱাৰ বাবে আন্তঃৰাষ্ট্ৰীয় মহাকাশ কেন্দ্ৰত আবদ্ধ হৈ আছে দুগৰাকী মহাকাশচাৰী সুনীতা উইলিয়ামছ আৰু আমেৰিকাৰ নৌসেনাৰ পৰীক্ষামূলক পাইলট বাটছ উইলম’ৰ। এতিয়া আহোঁ মূল কথালৈ,

যদিহে অভিযান বাতিল হয় তেন্তে কি হ’ব?
যদি মহাকাশযানখনে মহাকাশচাৰীসকলক পৃথিৱীলৈ ঘূৰাই আনিব নোৱাৰে তেন্তে স্পেচএক্সৰ ক্ৰু ড্ৰেগনৰ জৰিয়তে তেওঁলোকক পৃথিৱীলৈ ঘূৰাই পঠোৱাৰ বিকল্প আছে। মাৰ্চ মাহত ক্ৰু ড্ৰেগনে চাৰিজন মহাকাশচাৰীক ষ্টেচনলৈ প্ৰেৰণ কৰিছিল। জৰুৰীকালীন অৱস্থাত সেই ক্ৰাফ্টত অধিক লোকক ৰখাব পৰা যায়। যদিহে মহাকাশচাৰীক ঘূৰাই আনিবলৈ স্পেচএক্সক নিযুক্তি দিয়া হয়, তেন্তে বয়িঙৰ বাবে ই লজ্জাজনক হ’ব; কিন্তু নাছা আৰু বয়িঙৰ বিষয়া আৰু অভিযন্তাসকলৰ মতে বৰ্তমানৰ পৰিস্থিতিৰ প্ৰতি লক্ষ্য ৰাখি এনে সময় নাহে।