কুৱেইটত জীৱন্তে অগ্নিদগ্ধ ৪০জনকৈ ভাৰতীয় শ্ৰমিক। এই শোকাৱহ ঘটনা সংঘটিত হৈছে কুৱেইটৰ মাংগাফত। খবৰ অনুসৰি, কুৱেটৰ দক্ষিণ প্ৰান্তত অৱস্থিত মাংগাফ নামৰ অঞ্চলত অৱস্থিত এটা অট্টালিকাত এই ঘটনা সংঘটিত হয়৷ অট্টালিকাটো শ্ৰমিকসকলৰ আবাসগৃহ হিচাপে ব্যৱহাৰ কৰা হৈছিল৷ মিডিয়া ৰিপৰ্ট অনুসৰি, অট্টালিকাটোত বাস কৰিছিল অধিকাংশ ভাৰতীয় শ্ৰমিকে৷ এই ভয়ংকৰ অগ্নিকাণ্ডত ৪০ গৰাকী ভাৰতীয় শ্ৰমিক জীৱন্তে অগ্নিদগ্ধ হৈ কৰুণ মৃত্যুক আকোৱালি লোৱাৰ লগতে অৰ্ধশতাধিক শ্ৰমিকক সংকটজনক অৱস্থাত হাস্পতালত ভৰ্তি কৰোৱা হৈছে৷ ঘটনাক কেন্দ্ৰ কৰি ভাৰত চৰকাৰে তীব্ৰ প্ৰতিক্ৰিয়া ব্যক্ত কৰিছে৷ বৈদেশিক পৰিক্ৰমা মন্ত্ৰী এছ জয়শংকৰে এই শোকাৱহ ঘটনাত শোক প্ৰকাশ কৰি ঘটনাৰ চৰজমিন তদন্তৰ দাবী তোলে৷ ভাৰত চৰকাৰৰ তৎপৰতাৰ লগে লগে ঘটনাস্থলী পৰিদৰ্শন কৰে কুৱেইট প্ৰশাসনে৷ খবৰ অনুসৰি, অট্টালিকাটোৰ স্বত্বাধিকাৰীক গ্ৰেপ্তাৰৰ নিৰ্দেশ দিয়া হৈছে৷ ‘কোম্পানী, অট্টালিকাৰ স্বত্বাধিকাৰীৰ পৰিণতিতেই এই কৰুণ ঘটনা সংঘটিত হোৱাৰ তথ্য প্ৰাৰম্ভিক তদন্তত প্ৰকাশ কৰা হৈছে৷