বাক্সাৰ পৰা এই খবৰ পঠাইছে গোলাপ নাথে। এটা চিলিণ্ডাৰৰ বাবে সংঘটিত হ’ল ভয়ংকৰ ঘটনা। চিলিণ্ডাৰ বিস্ফোৰণৰ ফলত সংঘটিত হয় ভয়ংকৰ অগ্নিকাণ্ড। বাক্সাৰ নতুন আলিগুৰীত ভয়ংকৰ অগ্নিকাণ্ড। অশ্বিনী হীৰা নামৰ লোকজনৰ ঘৰত সংঘটিত হয় অগ্নিকাণ্ড। অগ্নিকাণ্ডৰ ফলত ঘৰৰ সকলো সা-সম্পত্তি ভস্মীভূত হোৱাৰ লগতে ঘৰতে থকা এখন গেলামালৰ দোকান ভস্মীভূত হয়। ঘটনাটোত গুৰুতৰভাৱে আঘাতপ্ৰাপ্ত হয় অশ্বিনী হীৰাৰ ভাতৃ লবন হীৰা। অগ্নিকাণ্ডৰ ফলত আনুমানিক ডেৰৰ পৰা দুই লাখ টকাৰ সা-সম্পত্তি জুইত জাহ যায়। ঘটনাস্থলীত জালাহ অগ্নিনিৰ্বাপক বাহিনীৰ লোক উপস্থিত হৈ জুই নুমুৱাবলৈ সক্ষম হয়।