চাওঁতে চাওঁতে আহি ইছলাম ধৰ্মাৱলম্বী লোকসকলৰ পবিত্ৰ ৰমজান মাহ। ইছলাম সমাজত এই পবিত্ৰ ৰমজান মাহৰ বহু তাত্পৰ্য নিহিত হৈ থাকে। ইতিমধ্যে ছৌদি আৰবত দেখিব পোৱা গৈছে পবিত্ৰ ৰমজান মাহৰ জোন, যাৰ পিছতে এতিয়া আনন্দৰ জোৱাৰ দেখিব পোৱা গৈছে মূছলমান সমাজৰ মাজত। জোন দেখাৰ লগে লগে পশ্চিম এছিয়াৰ কেইবাখনো দেশত সোমবাৰৰ পৰা পবিত্ৰ ৰমজান মাহৰ আৰম্ভ হ’ব উপবাস। শেহতীয়া ছৌদি অৰৱৰ এটা সংবাদ প্ৰতিষ্ঠানে জোন দেখা বুলি তথ্য সদৰী কৰিছে, অৰ্থাৎ ১১ মাৰ্চৰ পৰা আনুষ্ঠানিকভাৱে আৰম্ভ হ’ব পবিত্ৰ ৰমজান মাহৰ। ইয়াৰ লগতে ভাৰতকে ধৰি পাকিস্তান, বাংলাদেশত ১২ মাৰ্চৰ পৰা আৰম্ভ হ’ব পবিত্ৰ ৰমজান মাহ। এই পবিত্ৰ ৰমজান মাহতে ইছলাম ধৰ্মাৱলম্বী লোকসকলে ২৯ টা বা ৩০টা উপবাস পালন কৰিব পাৰে নে সেয়া মাহটোৰ আৰম্ভণিৰ পৰা সমাপ্তিৰ ওপৰতে নিৰ্ভৰ কৰিব।