কুকুৰ প্ৰিয় মানুহৰ এই পৃথিৱীত অভাৱ নাই। অৱশ্যে একাংশই আজিকালি কুকুৰ পোহাটো ফেশ্বনলৈ ৰূপান্তৰ কৰিছে। পশুপ্ৰেমী নহ’লেও ফেচবুক, ইনষ্টাগ্ৰাম আজি ছ’চিয়েল মিডিয়াত প্লেটফৰ্মসমূহত নিজকে পশু প্ৰেমী বুলি জহোৱা নেটিজেনৰ আজিকালি অভাৱ নাই৷ শেহতীয়াকৈ চুবুৰীয়াৰ পোহনীয়া কুকুৰে এগৰাকী ১০ বছৰীয়া কিশোৰীক কৰিলে ভয়ংকৰ আক্ৰমণ৷ যাৰ পৰিণতিত হাস্পতালত জীৱন-মৃত্যুৰ সৈতে যুঁজিছে কিশোৰীগৰাকী৷ খবৰ অনুসৰি, ২৯ ফেব্ৰুৱাৰীৰ সন্ধিয়া প্ৰায় ৬ বাজি ৩০ মিনিটত গাজিয়াবাদৰ শালিমাৰ কলনিৰ ডিএলএফ কলনীৰ বাসিন্দা মহম্মদৰ ১০ বছৰীয়া জীয়ৰী আলিয়াই, ঘৰৰ নিচেই সমীপতে থকা নিজৰ বান্ধৱী মানৱীক নিজৰ ঘৰলৈ খেলিবলৈ মাতিব গৈছিল৷ দুৰ্ভাগ্যৱশত সেই সময়ত মানৱীৰ পিতৃ অমৰ সিঙৰ পোহনীয়া পিটবুল ব্ৰিডৰ কুকুৰটোৰ শিকলি খোলা আছিল৷ আলিয়াক দেখা পোৱাৰ মাত্ৰেই পিটবুল জাতৰ কুকুৰটোৱে আলিয়াক ভয়ংকৰভাৱে আক্ৰমণ কৰে৷ খবৰ অনুসৰি, পিটবুল কুকুৰটোৰ আক্ৰমণত কণমানি আলিয়া গুৰুতৰভাৱে আঘাতপ্ৰাপ্ত হোৱাৰ লগতে নয়দাৰ মেক্স হাস্পতালত আলিয়াৰ প্ৰায় তিনিঘণ্টা পৰ্যন্ত অস্ত্ৰোপচাৰ চলে৷ ঘটনা সন্দৰ্ভত কুকুৰৰগৰাকী অমৰ সিঙৰ বিৰুদ্ধে এজাহাৰ দাখিল কৰে আলিয়াৰ পিতৃ মহম্মদে৷