দুবছৰ অতিক্ৰম কৰিলে ইউক্ৰেইন-ৰাছিয়াৰ যুদ্ধই। মঙলবাৰে যুদ্ধখনে অতিক্ৰম কৰে দুটাকৈ বছৰ। দুটা বছৰ অতিক্ৰম লগে লগে যুদ্ধ সন্দৰ্ভত প্ৰকাশ হৈছে এক আচৰিত খবৰ। জানিব পৰা মতে একাংশ ভাৰতীয়ক বলপূৰ্বকভাৱে ৰাছিয়াৰ সৈন্যৰ সৈতে ইউক্ৰেইনৰ বিৰুদ্ধে যুদ্ধ কৰিবলৈ বাধ্য কৰাইছিল। জানিব পৰা মতে ৰাছিয়াৰ সৈতে যুঁজিবলৈ কমেও তিনিজন ভাৰতীয়ত বলপূৰ্বকভাৱে ৰাছিয়া-ইউক্ৰেইন সীমান্তলৈ লৈ যোৱা হৈছিল। আনহাতে এজন এজেণ্টে মন্তব্য কৰে যে ২০২৩ চনৰ নৱেম্বৰৰ পৰা প্ৰায় ১৮ জন ভাৰতীয় নাগৰিক ৰাছিয়া-ইউক্ৰেইন সীমান্তত আৱদ্ধ হৈ আছিল। খবৰ অনুসৰি যুদ্ধত এজন লোকৰো মৃত্যু হৈছে বুলি জানিব পৰা গৈছে। ভুক্তভোগীসকলৰ এজন হায়দৰাবাদৰ বুলি জানিব পৰা গৈছে। আনহাতে বাকী ভুক্তভোগীসকল উত্তৰ প্ৰদেশ, গুজৰাট, পঞ্জাৱ আৰু জম্মু-কাশ্মীৰৰ। ভুক্তভোগীসকলৰ নাম বৰ্তমানেও প্ৰকাশ হোৱা নাই।