ডিজিটেল ডেস্কঃ নিৰ্বাচনৰ আগত সমষ্টিবাসীক আগত লৈ বৰ বৰ কথা কোৱা নাওবৈচাৰ বিধায়ক ভৰত নৰহক লৈ তীব্ৰ ক্ষোভ বানপীড়িত ৰাইজৰ। বিপদৰ সময়ত সমষ্টিবাসীৰ কাষত কিয় নাই বুলি প্ৰশ্ন কৰি এইবাৰ ভোট বিচাৰি গলে পশুখেদা দিয়াৰো হুংকাৰ প্ৰদান কৰে ৰাইজে।

উল্লেখ কৰা প্ৰয়োজন যে,  লখিমপুৰ জিলাৰ নাওবৈচা সমষ্টিৰ বালিচাপৰি আৰু কঠালগুৰিত ভয়ংকৰ গৰা খহনীয়া অব্যাহত আছে ৷  ইতিমধ্যে বহুকেইটা পৰিয়ালে ঘৰ ভেটি হেৰুৱালে ডিক্ৰংৰ গৰাখহনীয়াত ৷ বহুকেইটা পৰিয়ালে হেৰুৱালে সাতাম পুৰুষীয়া মুল্যবান গছ গছনিৰে ভৰপুৰ একো একোখন বৃহৎ বাৰী৷

নদীখনৰ এই গৰাখহনীয়া অব্যাহত থাকিলে অচিৰেই বিপদ আহিব কঠালগুৰি মঠাউৰীলৈ ৷ এই ভয়ংকৰ গৰাখহনীয়া ৰোধৰ বাবে জলসম্পদ বিভাগে কেৱল জেং আৰু বাঁহৰ গোজ কেইটামান দি দায়িত্ব সামৰিছে ৷  নাওবৈচা সমষ্টিৰ বিধায়ক ভৰত চন্দ্ৰ নৰহৰ বিৰুদ্ধে ক্ষোভ প্ৰকাশ স্হানীয় ৰাইজৰ।

মাত্ৰ নিৰ্বাচনৰ সময়ত ভোট বিছাৰি অহাৰ বাহিৰে কেনোদিন উপস্থিত নহয় উক্ত স্হানত । একমাত্ৰ সংবাদমাধ্যমক দোষ জাপি দি দায়িত্ব সামৰে বিধায়ক ভৰত চন্দ্ৰ নৰহে। অকমন্য বিধায়ক জন পুণৰ ভোট বিছাৰি আহিলে পহুখেদা দিয়াৰ হুমকি স্হানীয় ৰাইজৰৰ।  অতি কম সময়ৰ ভিতৰত বৈজ্ঞানিক পদ্ধতিৰে বান প্ৰতিৰোধ কৰাৰ ব্যৱস্থা কৰি দিবৰ বাবে ৰাইজে দাবী তোলে।