ডিজিটেল ডেস্কঃ চীনে যিকোনো সময়তে কৰিব পাৰে আক্ৰমণ৷ গোপনে বহুকেইখন দেশক আক্ৰমণ কৰাৰ পৰিকল্পনা কৰিছে চীনে৷ এক ভয়ংকৰ তথ্য পোহৰলৈ অহাৰ পিছতে চিন্তিত হৈ পৰিছে চুবুৰীয়া দেশসমূহ৷

চীনে গোপনে বিশেষ প্ৰকাৰৰ মিছাইল তৈয়াৰ কৰি আছে আৰু সেই মিছাইল শিপিং কণ্টেইনাৰত (জাহাজৰ পাত্ৰত) লুকুৱাই ৰাখিছে। বন্দৰেৰে পৃথিৱীৰ যিকোনো দেশলৈ নিয়াত সহায়ক হ’ব বাবেই জাহাজত লুকুৱাই ৰখা হৈছে৷ যদি চীনে এনে পদক্ষেপ লৈছে তেন্তে পৃথিৱীৰ কোনো দেশেই পুনৰুদ্ধাৰৰ সুযোগ নাপাব। জানিব পৰা মতে, চীনে এই মিছাইলবোৰ শত্ৰু দেশসমূহলৈ জল পৰিবহনযোগে পঠিয়াই দেশসমূহক আক্ৰমণ কৰিব পাৰে।

আন্তৰ্জাতিক মূল্যায়ন আৰু ৰণনীতি কেন্দ্ৰৰ ৰিক ফিচাৰে এই সন্দৰ্ভত কয় যে, চীনত ষ্টিল্থ মিছাইল থকাৰ সম্ভাৱনা আছে। আমেৰিকা যুক্তৰাষ্ট্ৰ আৰু চীনে অৰ্থনৈতিক আৰু সামৰিক ভাৱে বিশ্বৰ শীৰ্ষ মহাশক্তি হ’বলৈ প্ৰতিদ্বন্দিতা কৰি আছে। ইয়াৰ উপৰিও, টাইৱানক লৈ দুয়োৰে মাজত উত্তেজনা অব্যাহত আছে। এনে পৰিস্থিতিত, চীনৰ বাবে বিশেষ মিছাইল বিকশিত কৰা আৰু সেইবোৰ শিপিং কণ্টেইনাৰত (জাহাজৰ পাত্ৰ) লুকুৱাই ৰখাটো কোনো অস্বাভাৱিক কথা নহয়৷

‘দ্য চান’ৰ মতে, চীনৰ বিশাল জাহাজ বিশ্বৰ মহাসাগৰতে বিদ্যমান। শিপিং কণ্টেইনাৰ য’ত মিছাইলবোৰ লুকুৱাই ৰখা হৈছে, সাধাৰণ পাত্ৰৰ দৰে দেখা যায়, কাৰো জাননী অবিহনে আন পাত্ৰৰ সৈতে ৰাখি পৃথিৱীৰ বিভিন্ন প্ৰান্তলৈ পৰিবহন কৰিব পাৰি। ২০১৬ চনৰ অস্ত্ৰ মেলাত নতুন মিছাইলো চীনে প্ৰদৰ্শন কৰিছিল। ইফালে, ষ্টকটন চেণ্টাৰ ফৰ ইণ্টাৰনেচনেল ল’ থিংক টেংকে কয় যে অসামৰিক জাহাজত অস্ত্ৰ গোপনে ৰখাটো আন্তঃৰাষ্ট্ৰীয় আইনৰ উলংঘন হ’ব পাৰে। লগতে ব্যৱসায়িক জাহাজত গোপনে মিছাইল লুকুৱাই ৰখাটোৱে জাহাজত বিপদাশংকাও বৃদ্ধি কৰে।