ডিজিটেল ডেস্কঃ বিশিষ্ট লেখক তথা প্ৰৱন্ধকাৰ ইমৰান হুচেইনে শেহতীয়াকৈ ছানী লিয়নিক লৈ উদ্ভৱ হোৱা পৰিস্থিতিক লৈ এক মননশীল লেখা প্ৰকাশ কৰিছে তেওঁৰ ফেচবুক ৱালত। সোঁতৰ বিপৰীতে কিছু কথা ভৱাই তুলিবলৈ বাধ্য কৰা এই লেখাটো হুবহুভাৱে প্ৰকাশ কৰা হল-

ছানীৰ অতীতে তেওঁৰ সততা, নিষ্ঠাৰ সংসাৰ ধৰ্ম, নিভাঁজ পশুপ্ৰেম, বৃদ্ধ দম্পত্তিক দিয়া আশ্ৰয়, বলাৎকাৰৰ বলি হোৱা তেৰ বছৰীয়া ছোৱালীৰ চিকিৎসা তথা আইনী সহায়, দুখীয়া নিৰাশ্ৰয় শিশুক সন্তানৰূপে বুকুত তুলি লোৱা মৰম, গ্ৰন্থৰচনা, ছবি অঁকা, কেনচাৰৰ বাবে কৰা অজস্ৰ দান, দুখীয়াৰ বাবে কৰা বিদ্যালয় নিৰ্মান আদি অলেখ সজ কামবোৰক দুখজনকভাবে নিস্প্ৰভ কৰি দিয়ে… অসমৰ কেইজন পুৰুষ, আনকি নাৰীয়ে পৰ্ণ নোচোৱাকৈ আছে ? সকলোৱে যেন ধোৱা তুলসীৰ পাত… !

কেতিয়াবা এনে লাগে আমাৰ সমাজে মানুহ ভাল হৈ যোৱাটো নিবিচাৰে… কোনো ব্যক্তি, বিশেষকৈ নাৰীয়ে সামাজিক দৃষ্টিত লজ্জাজনক অতীত আৰু পঙ্কিলতাৰ পৰা সংগ্ৰাম কৰি ওলাই আহি ভিন্ন আত্মপৰিচয় গঢ়ি তুলিলেও তাক স্বীকৃতি নিদিয়ে… সামাজিক বাবে কৰা ভাল কামবোৰ আৰু সন্মানজনক জীবিকাৰ বাবে কৰা সংগ্ৰাম আৰু উত্তৰণৰ প্ৰচেষ্টাক প্ৰশংসা নকৰে… এইবোৰ কথাই মানুহক ভাল হ’বলৈ অনুপ্ৰৰণা নিদিয়ে… মই এবাৰ টিভিত ছানীৰ ইনন্টাৰভিউ চাইছিলো… ভূপেন্দ্ৰ চৌবে লোৱা… সম্ভবত: সংঘাতৰ মাজেদি যোৱা এগৰাকী ভাল মনৰ মানুহে ইমান পৰিশীলিতভাবে পত্ৰকাৰৰ অসভ্য প্ৰশ্নবোৰৰ উত্তৰ সভ্যভাবে দিব পৰে !