ডিজিটেল ডেস্কঃ আমাৰ সকলোৰে এটা ধাৰণা থাকে যে, ইউ পি এছ চি, এ পি এছ চিৰ দৰে প্ৰৱল প্ৰত্যাহ্বানপূৰ্ণ পৰীক্ষাত সফলতা লাভ কৰিবলৈ হলে কেৱল সেই কামটোতে ফকাজ কৰিব লাগিব। কিন্তু গতানুগতিক এই ধাৰণাক ভুল পতিপন্ন কৰিলে এগৰাকী মোহময়ী যুৱতীয়ে। প্ৰথমে বলিউদত অভিনয়ৰ দৰে এটা ব্যস্ত কাম কৰিও প্ৰথমটো প্ৰচেষ্টাতে ইউ পি এছ চিৰ দৰে পৰীক্ষাত উৰ্ত্তীণ হৈ এতিয়া আই পি এছ অফিচাৰ হিচাপে কাৰ্যনিবাহ কৰি আছে যুৱতীগৰাকীয়ে।

এই যুৱতীগৰাকীৰ নাম হৈছে- চিমলা প্ৰসাদ।মধ্যপ্ৰদেশৰ  ভুপালৰ জন্ম হোৱা চিমলা প্ৰসাদ এগৰাকী সুদক্ষ প্ৰশাসনিক বিষয়া।  ২০১০চনত ইউ পি এছ চি পৰীক্ষাত সফলতাৰে উত্তীৰ্ণ হৈ দেশৰ বাবে সেৱা আগবঢ়াই থকা চিমলা প্ৰসাদে কেইবাখনো হিন্দী বোলছবি আৰু ধাৰাবাহিকত সৰু চৰিত্ৰ ৰূপায়ন কৰিছিল। তাৰ মাজতে ইউ পি এছ চিৰ বাবেও প্ৰস্তুতি চলাই গৈছিল চিমলাই।

অভিনয়ৰ সমান্তৰালভাৱে ইউ পি এছ চিৰ বাবে কষ্ট কৰা চিমলাই প্ৰথমটো প্ৰচেষ্টাতে সফলতাৰে উৰ্ত্তীণ হৈছিল।  সৰুৰে পৰাই মেধাৱী আছিল চিমলা। বৰ্তমান অপৰাধীৰ বাবে ত্ৰাসৰ কাৰন হৈ পৰা চিমলা প্ৰসাদৰ কৰ্তব্যনিষ্ঠাৰ বাবে প্ৰধানমন্ত্ৰী নৰেন্দ্ৰ মোডীৰো প্ৰশাংসা কৰিছিল তেওঁক।

উল্লেখ কৰা প্ৰয়োজন যে, মোহময়ী চিমলা প্ৰসাদ বৰ্তমানত মধ্যপ্ৰদেশতে কৰ্মৰত।