ডিজিটেল ডেস্কঃ অমিক্ৰনত আক্ৰান্ত সংখ্যা ভাৰতত ২১গৰাকীলৈ বৃদ্ধি পালে৷ ইয়াৰ লগে লগে স্বাস্থ্য বিভাগে সকলো ৰাজ্যলৈ পুনৰ সৰ্তকতা জাৰি কৰিছে৷ ইফালে অসমতো ৰাজ্য চৰকাৰে জাৰি কৰিছে নতুন এছ অ পি৷ এনে পৰিস্থিতিৰ মাজতে কানপুৰ আই আই টিৰ অধ্যাপক মণীন্দ্ৰ আগৰৱালৰ মন্তব্যই কপাঁইছে দেশ৷ অধ্যাপকগৰাকীয়ে মত প্ৰকাশ কৰিছে যে, ২০২২ত ভাৰতত ভয়ংকৰ ৰূপ ধাৰণ কৰিব অমিক্ৰনে । প্ৰতিদিনে অমিক্ৰনত আক্ৰান্ত হ’ব ১লাখৰ পৰা ১.৫০ লাখ লোক৷

অধ্যাপকগৰাকীয়ে লগতে কয়, পূৰ্বতকৈ অধিক সংক্ৰামক হব এই অমিক্ৰন৷ ২০২২ৰ প্ৰথম ভাগত চৰম স্তৰত থাকিব অমিক্ৰন৷ তেওঁ লগতে উল্লেখ কৰে যে, কৰোনাৰ দ্বিতীয়টো লহৰৰ দৰে ই পৰিস্থিতি সৃষ্টি নকৰিব যদিও চৰম স্তৰত প্ৰতিদিনে অমিক্ৰনত আক্ৰান্ত হ’ব ১লাখৰ পৰা ১.৫০ লাখ লোক৷ অধ্যাপকগৰাকীৰ এই আগজাননীৰ পাছতে এতিয়া সমগ্ৰ দেশত অমিক্ৰনে কি পৰিস্থিতিৰ সৃষ্টি কৰিব তাৰ আভাস পাব পাৰি৷