ডিজিটেল ডেস্কঃ এখন ধনী গাও। যিখন গাঁৱৰ প্ৰত্যেকগৰাকী লোকৰ একাউন্টত জমা আছে ১৫লাখকৈ টকা। কেৱল এয়াই নহয়, এই গাঁৱখনৰ প্ৰতিগৰাকী লোকৰ হাতত ৫ৰ পৰা ১০লাখ নগদ ধন থাকে। এতিয়া ছাগে আপুনি ভাৱিছে, আমি ভাৰতৰ বাহিৰৰ এখন গাঁৱৰ কথা কম। কিন্তু আপুনি ভুল ধাৰণা কৰিছে। ধনী এই গাওঁখন আমাৰ ভাৰতৰ ভিতৰতে আছে।

ধনী এই গাওঁখন আছে গুজৰাটত। গুজৰাটৰ মদপাৰা নামৰ এই গাওঁখনৰ প্ৰতিগৰাকী ব্যক্তিৰ হাতত ৫ৰ পৰা ১০লাখ টকা নগদ ধন থকাৰ উপৰিও সকলোকে একাউন্টত জমা আছে ১৫লাখতকৈ অধিক টকা। এইখন গাঁৱৰ ভিতৰত ১৭টা বিভিন্ন বেংকৰ শাখা আছে। এই বেংক শাখাবোৰত প্ৰতিদিনাই ধন জমা আৰু উলিয়াবলৈ দীঘলীয়া লাইন দেখা যায়।

শেহতীয়াকৈ পোহৰলৈ অহা তথ্য অনুসৰি, এই গাওখন যথেষ্ট ডাঙৰ। ৭০০ৰো অধিক ঘৰ থকা এই গাওৱাসীৰ নামতে ৫হাজাৰ কোটিৰো অধিক টকা বিভিন্ন বেংকত জমা আছে। এই গাঁওখনত প্ৰত্যেকগৰাকী লোকৰ ঘৰতে আছে সকলো সুবিধা। চহৰৰ এগৰাকী ধনৱান লোকৰ ঘৰত যি যি সা-সম্পত্তি থাকিব লাগে, সেই সকলো সুবিধা এই গাঁৱৰ লোকৰ ঘৰত আছে।