ডিজিটেল ডেস্কঃ সুৰা কেলেংকাৰীত অভিযুক্ত হৈ বৰ্তমান তিহাৰ জেলত থকা দিল্লীৰ শিক্ষামন্ত্ৰী মনীষ চিচৌডিয়াই জেলৰ পৰাই দেশবাসীলৈ লিখিছে এখন বিশেষ চিঠি। এই চিঠিত বিজেপি চৰকাৰক তীব্ৰ কটাক্ষ কৰিছে তেওঁ। তেওঁ চিঠিত লিখিছে যে,

দিল্লীৰ শিক্ষা মন্ত্ৰী হিচাপে কাম কৰি থাকোতে প্ৰায়ে ভাবিছিলো যে ক্ষমতাত উপনীত হোৱা নেতাসকলে দেশৰ প্ৰতিটো শিশুৰ বাবে এখন উপযুক্ত শিক্ষানুষ্ঠান কিয় নিৰ্মাণ কৰা নাছিল? যদি সকলোৱে একগ্ৰতাৰে শিক্ষাৰ ক্ষেত্ৰখনত কাম কৰিলেহেতেন তেন্তে আমাৰ দেশত বিকশিত দেশ সমূহৰ দৰেই ভাল বিদ্যালয় থাকিলহেতেন।

এতিয়া মই কেইবাদিনৰ পৰা কাৰাগাৰত আছো। আৰু এতিয়া এই প্ৰশ্নবোৰৰ উত্তৰ নিজেই পাইছো। যেতিয়া কাৰাগাৰ চলোৱাৰ ক্ষেত্ৰত ৰাজনীতিত সফলতা লাভ কৰিছে তেন্তে এখন বিদ্যালয় চলাবলৈ ৰাজনীতিৰ প্ৰয়োজনীয়তা কত। বিজেপিয়ে মানুহক কাৰাগাৰত ৰখাৰ ৰাজনীতিত লিপ্ত হৈছে। আমি শিশুসকলক শিকোৱাৰ ৰাজনীতি কৰি আছো। কাৰাগাৰলৈ প্ৰেৰণ কৰা সহজ, শিশুসকলক শিকোৱাটো অতি কঠিন। দেশখন শিক্ষাৰ জৰিয়তেহে আগবাঢ়িব, কাৰাগাৰলৈ প্ৰেৰণ কৰি নহয়।