ডিজিটেল ডেস্কঃ আকৌ কেনা লাগিল। মেট্ৰিক পৰীক্ষাৰ প্ৰথম দিনটোতে প্ৰশ্নকাকত ফাদিল হোৱা ঘটনাৰ পিছতে এতিয়া তীব্ৰ প্ৰতিক্ৰিয়াৰ সৃষ্টি হৈছে সমগ্ৰ ৰাজ্যত। শৈক্ষিক মহলে বিভাগীয় কৰ্তৃপক্ষক দোষাৰোপ কৰি শিক্ষাৰ্থীৰ ভৱিষ্যতৰ সৈতে হেতালি নেখেলিবলৈ আহ্বান জনায়।

বৰপেটাত পৰীক্ষাৰ আৰম্ভ হোৱাৰ কিছুসময়ৰ পাছতে ইংৰাজী প্ৰশ্ন কাকত ভাইৰেল হৈ পৰে হোৱাটছ এপত।  এই কাণ্ডক লৈ বিভাগীয় কৰ্তৃপক্ষই এতিয়ালৈকে কোনো মন্তব্য প্ৰকাশ কৰা নাই। ইফালে এই ইংৰাজী কাকতখন এইবৰ্ষৰ নহয় বুলিও একাংশই দাবী কৰিছে।

ইফালে, মেট্ৰিক পৰীক্ষা আৰম্ভ হোৱা দিনটোতে ডবকাত এগৰাকী শিক্ষাৰ্থীয়ে গ্ৰহণ কৰে চূড়ান্ত সিদ্ধান্ত। পৰীক্ষাৰ প্ৰথম দিনটোতে আত্মহত্যাৰ দৰে পথ বাচি লোৱা এই শিক্ষাৰ্থী গৰাকীৰ মৃত্যুৰ কাৰন এতিয়ালৈকে জানিব পৰা হোৱা নাই।