ডিজিটেল ডেস্কঃ নিজৰ ছালখন সতেজ কৰি ধুনীয়া হৈ থাকিব কোনেনো নিবিচাৰে।  কিন্তু ধুনীয়া হৈ থাকিবলৈ আপুনি বিউটি পাৰ্লাৰলৈ যোৱাৰ কোনো প্ৰয়োজন নাই। আপুনি ঘৰতে থাকি কিছুমান ঘৰুৱা উপকৰণেৰে আপোনাৰ ছালখন ধুনীয়া আৰু সতেজ কৰি ৰাখিব পাৰে।

সতেজ আৰু তৰুণ ছাল পাবলৈ নিয়মীয়াকৈ এক্সফলিয়েটিংৰ প্ৰয়োজন। দৈ আৰু তিয়ঁহৰ সংমিশ্ৰণে আপোনাৰ ছাল এক্সফলিয়েট কৰাৰ লগতে মৃত ছালৰ কোষ আঁতৰ কৰিবলৈ ভালদৰে কাম কৰে। দৈত লেক্টিক এচিড থাকে যিয়ে ছাল পৰিষ্কাৰ কৰে আৰু তিয়ঁহে ছালক শান্ত কৰি ৰখাত সহায় কৰে। আধা কাপ দৈ লওক আৰু ইয়াক ২ চাহ চামুচ কটা তিয়ঁহৰ সৈতে মিহলি কৰক। ভালদৰে মিহলি কৰি আপোনাৰ ছালত ২০ মিনিটৰ বাবে প্ৰলেপ দিয়ক। মুখখন কুহুমীয়া পানীৰে ধুব।

আপোনাৰ ছালখনৰ বাবে গোলাপ জলো অতিকৈ উপকাৰী।  এটা বাটিত ২ চাহ চামুচ গোলাপ জল, কেইটোপালমান গ্লিচাৰিণ আৰু ১/২ চাহ চামুচ নেমুৰ ৰস যোগ দিয়ক। সকলোবোৰ ভালদৰে মিহলি কৰক আৰু কঁপাহৰ বল ব্যৱহাৰ কৰি মুখ আৰু ডিঙিত এই পেষ্টটো প্ৰয়োগ কৰক। প্ৰতি নিশা শুবলৈ যোৱাৰ আগতে মাত্ৰ গোলাপ জল ব্যৱহাৰ কৰিলে আশ্বৰ্যজনক প্ৰভাৱ পৰিব পাৰে।

নেমু ভিটামিন চি সমৃদ্ধ, যি হৈছে এক শক্তিশালী এণ্টিঅক্সিডেণ্ট। এই এণ্টিঅক্সিডেণ্টবোৰ আপোনাৰ ছালৰ বাবে বহুত উপকাৰী। এইবোৰে আপোনাৰ ছালত এণ্টি-এজিং সামগ্ৰী হিচাপে কাম কৰে, দাগ, ফিন লাইন, আৰু ফ্ৰেকলৰ দৰে সকলো বয়সৰ লক্ষণ আঁতৰ কৰে। নেমুৰ ৰস চেপি ইয়াক আপোনাৰ মুখ আৰু ডিঙিত প্ৰয়োগ কৰক। ইয়াক আপোনাৰ মুখত ১৫ মিনিটৰ বাবে ৰাখক আৰু তাৰ পিছত সাধাৰণ পানীৰে ধুই দিয়ক।