ডিজিটেল ডেস্কঃ প্ৰচণ্ড ভূমিকম্পত তচনচ হ’ল তুৰ্কী। তুৰ্কী আৰু চিৰিয়াত সোমবাৰে হোৱা ভূমিকম্পৰ প্ৰচণ্ড জোকাৰণিৰ ফলত ধনজনৰ বিস্তৰ ক্ষতি সাধন হৈছে। শেহতীয়াকৈ প্ৰাপ্ত তথ্য অনুসৰি এতিয়ালৈকে এই ভূমিকম্পত ১৫হাজাৰো অধিক লোকৰ মৃত্যু হৈছে। বৰ্তমানেও উদ্ধাৰ অভিযান অব্যাহত আছে আৰু মৃতকৰ সংখ্যা বৃদ্ধি পোৱাৰ সম্ভাৱনা আছে।

ভূমিকম্পৰ পাছত বহুকেইটা ঘটনাই ইতিমধ্যে বিশ্ববাসীৰ বুকু কপাই তুলিছে। তলৰ এই ফটোখন চাওক। ভূমিকম্পৰ ফলত  অট্টালিকাৰ মাজত সোমাই থকা কন্যাৰ হাতখনত এনেদৰেই ধৰি থাকিল এগৰাকী পিতৃয়ে। এই চিত্ৰখনে ইতিমধ্যে বিশ্ববাসীৰ চকু সেমেকাই তুলিছে।

আনহাতে তলৰ এই ফটো খন চাওক। এগৰাকী কণমাণিয়ে মৰমৰ ভায়েকক বুকুত সাৱটি এইদৰে ভগা অট্টালিকাৰ তলত সোমাই আছে।

ইফালে তলৰ ফটোখনত দেখা গৈছে নিজৰ হেপাঁহৰ ঘৰ খন হেৰুৱাই শোকত ভাগি পৰি আপোনজনক বুকুত সাৱটি লৈছে এইগৰাকী মহিলাই।

আনহাতে সন্ধানহীন হৈ থকা আত্মীয়জনক এইদৰে ছিঞকি চিঞৰি মাতিছে এইগৰাকী লোকে।

এনে কিছুমান ফটোৱে ইতিমধ্যে সকলোকে শোকাবিহ্বল কৰি তুলিছে। সকলোৱে আশা কৰিছে এই বিপদৰ সময়ত সকলোৱে তুৰ্কী আৰু চিৰিয়াৰ কাষত থিয় হওঁক।