ডিজিটেল ডেস্কঃ আৰ্থিক দিশৰ পৰা সাংবাদিকসকলৰ অৱস্থা বৰ-বেছি সুচল নহয় বুলি ভৱা হও যদিও বৰ্তমান বহু সাংবাদিকৰ দৰমহা মাহে লাখ তথা কোটি টকা। কিছুদিনৰ আগেয়ে এন ডি টিভিৰ পৰা ওলাই যোৱা সাংবাদিক ৰবীশ কুমাৰৰ মাহিলী দৰমহা প্ৰায় ১৫-২০লাখ টকা আছিল বুলি চৰ্চা হৈছে।

ইফালে ইণ্ডিয়া টিভিৰ চেয়াৰমেন ৰজত শৰ্মাই মাহিলী দৰমহা হিচাপে ৪০লাখৰো অধিক টকা লয় বুলি জানিব পৰা গৈছে। দেশৰ এগৰাকী আগশাৰীৰ সাংবাদিক ৰাজদ্বীপ চৰদেশাইয়ে এটা মাহত ৮০লাখৰো অধিক টকা দৰ্মহা হিচাপে লাভ কৰে।

আনফালে অসম সন্তান তথা ৰিপাব্লিক মিডিয়া নেটৱৰ্কৰ স্বতাধিকাৰী অৰ্ণৱ গোস্বামীয়ে মাহে প্ৰায় ১কোটি টকাৰ দৰ্মহা লয় বুলি চৰ্চা হৈছে। উল্লেখ কৰা প্ৰয়োজন যে, আমাৰ ৰাজ্যতো কেইবাগৰাকীও সাংবাদিকে মাহিলী লাখ টকাৰ দৰমহা লাভ কৰে।