ডিজিটেল ডেস্কঃ  ফুটবলৰ সম্ৰাট মেছি কিমান ধনী। বিশ্বকাপ জয়ৰ পাছত একাংশ নেটিজেনৰ মনত উদয় হৈছে এই প্ৰশ্নৰ। অতি সহজ-সৰলকৈ থকা মেছি ধন-সম্পত্তিৰ পৰিমাণৰ কথা জানিলে আপুনি আচৰিত হব। মেছিৰ মুঠ সম্পত্তিৰ পৰিমাণ ৬২০মিলিয়ন ডলাৰ। ভাৰতীয় হিচাপত প্ৰায় ৪হাজাৰ ৯৫২কোটি টকা। লগতে  আপুনি এই কথাও জানি থওঁক যে, আৰ্জেন্টিনাৰ এইগৰাকী ফুটবলাৰে ঘন্টাত উপাৰ্জন কৰে ৭লাখ টকা।

আৰ্জেন্টিনাৰ ন ফ্লায়িং জোনত মেছিৰ আছে বিশাল অট্টালিকা। ইয়াৰোপৰি বহু বিলাসী গাড়ীৰ লগতে প্ৰাইভেট জেটৰো মালিক মেছি। ২০২১ৰ মে মাহৰ পৰা ২০২২ৰ মে মাহলৈকে মেছিয়ে উপাৰ্জন কৰিছে ১৩০মিলিয়ন ডলাৰ। ২০২১-২২বৰ্ষৰ বিশ্বৰ সবাতোকৈ দামী খেলুৱৈ হিচাপে বিবেচিত হৈছে মেছি। মেছিৰ ঘৰৰ চৌহদৰ ভিতৰতে আছে ফুটবলৰ এখন খেলপথাৰ। এই খেলপথাৰত অনুশীলনৰ বাবে সকলো সুবিধাই মজুত আছে।

সেয়া যি কি নহলেও, ইমানবোৰ সম্পত্তিৰ গৰাকী হৈও অতি সহজ-সৰল ব্যক্তিত্বৰ অধিকাৰী মেছি।