ডিজিটেল ডেস্কঃ সুখী হবলৈ সকলোৱে বিচাৰি ফুৰে। কোনোবাই জীৱনটো সুখ বিচাৰিয়ে হাবাথুৰি খায়। কিন্তু কিছুমান বিশেষ কথাৰ প্ৰতি মনোযোগ দিলে আপুনি সুখী হোৱাটো একপ্ৰকাৰৰ নিশ্চিত। পঢ়ি লওক তলৰ ৬টা এই কথা-
১) আনৰ পৰা একো আশা নকৰিব৷
২) আপুনি যিখিনি পাইছে সেইখিনি লৈ আনন্দ কৰক৷
৩) নিজৰ মনটোত এখন সুখৰ ঘৰ সাজক৷ সকলো ভাগি-ছিগি গ’লেও সেইখন ঘৰ কোনেও ভাঙিব নোৱাৰে৷ বাহিৰৰ কোনো শক্তিয়ে সেইখন ঘৰ একোৱেই কৰিব নোৱাৰে৷
৪) গুণগুণাই গান গাওক৷ প্ৰতিদিনে আপোনাৰ গা-ধোৱা ঘৰটো আপোনাৰ তালফাল সংগীত সাধনাৰ গৃহ ৰূপে ব্যৱহাৰ কৰক৷ আপুনি নাভাবিব যে আপোনাৰ বয়স বহুত হ’ল গতিকে আপুনি গান গুণগুণোৱাটো বেয়া কথা৷ গান গুণগুণোৱাহে ভাল কথা৷
৫) মাজে মাজে আপোনাৰ এনেকুৱা ভাৱ হয় নেকি যে আপোনাৰ চাৰিওপিনে থকা সকলো মানুহ আপোনাৰে শত্ৰু? যদি তেনেকুৱা ভাৱ হয়, তেন্তে নিজক এজন বিচক্ষণ চোৰাংচোৱা বিষয়া বুলি ভাবি লওক৷ এজন চোৰাংচোৱাই শত্ৰুৰ সম্পৰ্কে যিমানখিনি কথা জানে, সিমানখিনি আন কোনেও নাজানে৷ গতিকে কোনো শত্ৰুৱে আপোনাক একো কৰিব নোৱাৰে৷ এজন চোৰাংচোৱা বিষয়াৰ যিমান শত্ৰু সিমানবোৰ শত্ৰু আপোনাৰ আছে জানোঁ??
৬) আপুনি এজন যোদ্ধা৷ গতিকে আপুনি বিৰক্ত নহ’ব, মনলৈ অশান্তি আহিবলৈ নিদিব৷ কোনো যোদ্ধায়েই বিৰক্ত নহয়, কোনো যোদ্ধায়েই মনত কোনো অশান্তি নাৰাখে, তেওঁলোকে মাথোঁ তীক্ষ্ণ দৃষ্টি ৰাখি যুঁজ কৰে৷
