ডিজিটেল ডেস্কঃ শুকুৰবাৰে পুৱতি নিশা আহিল এটা দুঃখবৰ। সমাজবিজ্ঞানী তথা গৱেষক, বিশিষ্ট সাহিত্যিকড০ প্রফুল্ল মহন্তৰ দেহাৱসানৰ খবৰটো পাই সকলো শোকত ভাগি পৰিল। দীৰ্ঘ দিন ধৰি এক ৰোগত আক্ৰান্ত হৈ থকা মহন্তৰ মৃত্যুৰ সময়ত  বয়স আছিল প্ৰায় ৮২ বছৰ।

উল্লেখ কৰা প্ৰয়োজন যে, দীৰ্ঘদিন ধৰি অসুস্থ আছিল লেখক, সাহিত্যিকগৰাকী। মৰণোত্তৰভাৱে দেহ দান কৰিও গৈছে  সমাজ বিজ্ঞানীগৰাকীয়ে। এসময়ত আনন্দৰাম বৰুৱা ভাষা, কলা-সংস্কৃতি সন্থাৰ সঞ্চালক হিচাপেও কাৰ্যনিৰ্বাহ কৰা ড০ প্ৰফুল্ল মহন্তৰ এখন উল্লেখযোগ্য গ্ৰন্থ হ’ল ”অসমীয়া মধ্যবিত্ত শ্ৰেণীৰ ইতিহাস” । জনগোষ্ঠীয় চেতনা, অসমীয়া জাতীয়তাবাদৰ উৎস প্ৰসংগ, বড়ো ভূমিৰ উচুপনি আদি তেওঁৰ উল্লেখযোগ্য গ্ৰন্থ। 

বিশিষ্ট সমাজ বিজ্ঞানী তথা চিন্তাবিদ গৰাকীৰ জন্ম হৈছিল ১৯৪১ চনত । শুকুৰবাৰে পুৱতি নিশা প্ৰায় ২.৫০ মান বজাত শেষ নিশ্বাস কৰে মহন্তই। উল্লেখ কৰা প্ৰয়োজন যে, এইগৰাকী মহান অসমীয়াই চাকৰিৰ পৰা অৱসৰৰ ১৫বছৰৰ পাছতো বঞ্চিত হৈছিল পেন্সনৰ পৰা।