ডিজিটেল ডেস্কঃ আজি পবিত্ৰ ৰাখী বন্ধন। ভাতৃ-ভগ্নীৰ সম্পৰ্কক অন্য মাত্ৰা দিয়াৰ এক উৎসৱ। প্ৰতি বছৰে শাওন মাহৰ পূৰ্ণিমাৰ তিথিত এই উৎসৱ পালন কৰা হয়।  হিন্দু (Hindu) ধৰ্মত ৰাখী বন্ধন উৎসৱক ভাতৃ-ভগ্নীৰ প্ৰেমৰ প্ৰতীক বুলি গণ্য কৰা হয়।  ইয়াৰ মাজতে, ভগ্নীসকলে তেওঁলোকৰ ভাতৃসকলৰ সমৃদ্ধি আৰু দীৰ্ঘজীৱনৰ বাবে তেওঁলোকৰ মণিবন্ধত ৰঙীন ৰাখী বান্ধে। ভাতৃসকলে তেওঁলোকৰ ভগ্নীসকলক সুৰক্ষা দিবলৈ প্ৰতিশ্ৰুতি দিয়ে আৰু উপহাৰ দিয়ে।

হিন্দু পঞ্চাঙৰ মতে,শাওণ মাহৰ পূৰ্ণিমা দিৱসত ৰক্ষা বন্ধন উৎসৱ পালন কৰা হয়। ইংৰাজী বৰ্ষপঞ্জী অনুসৰি, উৎসৱটো জুলাই বা আগষ্ট মাহত পৰে।

ইফালে পুৱাই দেশবাসীক উদ্দেশ্যি প্ৰধানমন্ত্ৰীয়ে কৰিলে টুইট। সকলো দেশবাসীৰ পবিত্ৰ ৰাখী বন্ধনৰ শুভেচ্ছা জনালে প্ৰধানমন্ত্ৰীগৰাকীয়ে।