ডিজিটেল ডেস্কঃ এতিয়াৰে পৰা আপোনাৰ গাড়ীত যদি কম তেল থাকে তেতিয়াও ভৰিব লাগিব জৰিমনা। শেহতীয়াকৈ এগৰাকী ব্যক্তিৰ বাইকত কম তেল থকাৰ বাবেই ভৰিব লগা হল ২৫০টকাৰ জৰিমনা। যান-বাহন আৰক্ষীৰ এনে কাণ্ডক লৈ এতিয়া সৰ্বত্তে তীব্ৰ প্ৰতিক্ৰিয়াৰ সৃষ্টি হৈছে। BikeDekho নামৰ পৰ্টেলটোৱে দিয়া ৰিৰ্পট অনুসৰি, এখন বুলেট বাইকত যান বাহন আৰক্ষীয়ে কাটিছে এইদৰে চালান।

শ্যাম নামৰ এগৰাকী লোকৰ ড্ৰাইভাৰ লাইচেঞ্চ, পলিউশ্যন চাৰ্টিফিকেট, হেলমেট সকলো থকাৰ পিছতো যুৱকজনক কেৱল মাত্ৰ তেল কমকৈ থকাৰ বাবেই বিহা হয় ২৫০টকাৰ জৰিমনা। ইফালে ছচিয়েল মিডিয়াত চৰ্চা হৈছে যে, যান-বাহন আইনতো তেনে কোনো নীতি-নিয়মৰ কথা উল্লেখ নাই যে, বাইকত কম তেল হলে জৰিমনা বিহা হব। কিন্তু বাণিজ্যিক বাহনৰ ক্ষেত্ৰত এনে এক নিয়ম আছে। যদিহে কোৱো বাণিজ্যিক বাহনে তেওঁলোকৰ নিৰ্ধাৰিত কাম ইন্ধনৰ অভাৱৰ বাবে কৰিব নোৱাৰে তেন্তে ২৫০টকাৰ জৰিমনা বিহা হব। সেয়া যি কি নহলেও, কেৰালাত সংঘটিত হোৱা এই ঘটনাৰ পাছতে দেশজুৰি নেটিজেন সকলৰ মাজত তীব্ৰ চৰ্চা অব্যাহত আছে।